ازاى تخلى الشباب يحترموكى -- يهمنى الرد اوى -- تيتو

بسم الله الرحمن الرحيم

الموضوع ده يهم بناااااااات كتير جدا وخاصة اللى منهم فى الجامعه او اللى لسه حيدخلوا الجامعه وهو يخص جميع البنات وعلاقتهم مع الشباب عموما فى اى مجال

"الاحترام"
اهم حاجه لازم البنت تتميز بيها وفى الموضوع ده احب اقدم نصايح تخلى البنات تجبر الشباب على احترامها
اولا::
نبدأ اولا بمظهر البنت شكل البنت يعنى طريقة اللبس اول ما بيلتفت اليه الشاب شكل لبس البنت وطبعا مش قصدى انه يكون غالى ومن افخم الملابس والازياء الباريسيه ولا تكون البنت لابسه اكسسوارات بالشئ الفلانى لا قصدى على احترام البنت فى ملابسها سواء محجبه او غير محجبه يعنى متكونش لابسه حجاب ولبسها ضيق او لابسه جيبه قصيره او تكون مش محجبه ومنعكشه شعرها وعملاه بالجل كل ده بياثر فى طريقة معاملة الولد للبنت وحتى ان كان بيقول انا ميهمنيش المظهر بس خليكوا واخدين بالكم ان معظم الولاد بياخدوا بالهم من النقط الصغيره دى وتلقائيا ممكن تلاقى التعامل بعد كده بيتغير ويقل الاحترام
وطبعا اللبس مش دليل على احترام البنت الكامل لنفسها لاننا بنشوف بنات لابسه لبس اخر احترام وواقفه تهزر او تتكلم باسلوب مش ظريف مع الشباب

ثانيا::
دى حاجه بقى ممكن البنات متاخدش بالها منها وهى هزارها او طريقتها فى الكلام مع البنات صحابها يعنى تقف وتضحك بصوت عالى اوى وتهزر ويكون حواليها شباب وناس كتير فبكده اى شاب حيشوفها اكيد حيقول انها مش محترمه ، يعنى راعى دائما يكون اسلوبك فى الهزار ظريف ولطيف ويليق بيكى كبنت وعامة كثرة المزاح بيضيع هيبة واحترام البنى ادم

ثالثا::
نيجى بقى على طريقة كلامك مع زميلك اولا بلاش الصوت العالى ثانيا حاولى دائما تتكلمى مع اى شخص باحترام وادب وحتى ان كنتى بتشوفى الاخرين بيسخروا منه يعنى ببساطه تكونى بتتعاملى بذوق مع الكل

رابعا::

دايما تحطى قواعد وحدود مع اى حد يتعامل معاكى وخااااااااااااصة فى موضوع الهزار احذرى الهزار مع الشباب وخاصة ان الشباب اصلا فى تعاملهم بيحبوا يضربوا بعض فى الهزار يعنى لازم تحافظى على احترامك وتضعى حدود فى التعامل من الاول واذا كنتى خجوله واتحطيتى فى الموقف ده غصب عنك لازم تاخدى موقف وتبصيله بصه بشذر كده ولا تعبريه حتى وان جه يتاسف تأنبيه وتفهميه انك انسانه بتتعاملى معاه باحترام ومتقبليش الهزار بالاسلوب ده

خامسا ::

انتى اه فى فتره الشباب ولازم تتفسحى وتخرجى بس حاولى ان لو حتخرجى مع اصحابك بنات وشباب(يعنى الجروب بتاع اليومين دول)
تحاولى ان ميكونش كلامك مع واحد فقط عشان متلفتيش الانظار عليكى ويتكلموا ولاحظى ان سمعتك هى اللى بتعطيكى الاحترام

واخيرا لكم منى كل الاحترام وتمنياتى ان الموضوع يفيدكم

ورجاءا ان اى حد من الشباب او البنات اللى حيقروا الموضوع لو عندهم اى تعليق او اى ملاحظات او اى اضافه يضيفوها على الموضوع على طول لانى اتقبل اى نقد

Tito-theeagle@hotmail.com

ازاى تخلى الشباب يحترموكى -- يهمنى الرد اوى -- __تيتو __ Amrel7obui0

------------------------------------

DaYmAn .. DeMo3 .. DeMo3 .. DeMo3

الموضوع اكتر من رائع
موضوع جميل اوى اوى اوى

ودة فعلا المفروض الى يحصل عشان نحافظ على نفسنا وعلى سمعتنا وشكلنا ادام الناس وادام نفسنا

شكرا اوى يا مروة
انا عايز ردود بقى من بقية البنات ولا اختفوا

بجد توبيك جامد مووووووووووووووووووت
واكتر حاجه عجبانى
حكايه الهزار دى
لان فعلا الولاد لما بيهزروا بيهزروا بالايد وده
والمفروض البنت اللى تعمل لنفسها طريقه
ان مش اى حد يهزر معاها
وبجد يا تيتو تويك 100_100
ميرسى اوى

no0o0ora

شكرا ليك على التوبيك الجامد ده وفعلا حلو اوى ولازم الواحد يكون محترم ويحترم نفسه علشان يجبر الانسان اللى قدامه ان يحترمه ويضع حد فى الهزار مع الناس وديه حاجة متزعلش

ميرسى بجد على كل الردود الجامدة ديه
و الانسان بيبقى محترم بشخصيته و كمان بتصرفاته
لكن فيه بنات بتبقى محترمة جدا و فى نفس الوقت بتهزر هزار مش لذيذ مع الولاد بس ده بيبقى فى حدود انهم اخوات و هى فاهمة كده كويس
بس اقولكم يا بنات
فعلا فيه ناس بتعتبر ان اى واحدة زميلته زى اخته بالظبط
لحد موقف معين لو البنت قدرت تاخد فيه موقف بيبقى الواحد فعلا بيعاملها زى اخته و بيحبلها الخير دايما
انما لو الموقف ده ماعرفتش تنجح فيه
بيبقى الكلام ده كله بيتقلب للعكس و تيجى تسأل الشاب هيكون ابسط رد ليه ( هى اللى جابته لنفسها و ماكانش المفروض تعمل كده )
فهمتونى يا بنات
عايز ردودكم على كلامى بقى

صح كلام صح هى البنت اللى بتحدد اذا كان التعامل معها باحترام واخت ولالالالالالا العكس

ميرسى يا ايه على ردك بس اكيد انتى فهمتينى

الموضوع جميل جدااااااااااااااااااااااااااااااااا بجد رائع

ازاى تخلى الشباب يحترموكى -- يهمنى الرد اوى -- __تيتو __

ازاى تخلى الشباب يحترموكى -- يهمنى الرد اوى -- تيتو