لما فاضت بيه الأحزان

إعلان هام
اعلان عن بيع الطول والعرض
وحيطان البيت وتراب الأرض
اعلان عن بيع الروح والجسم
وكل حروف الأســــــــــم
اعلان عن بيع كل الأحلام والأفكار
وكل سنين المشوار
وبيع الأفراح والأحزان
اعلان عن بيع الضحكه الصافيه ......والضحكه المقهوره
وبيع النفس المكسوره
وبيع البرواز والصوره.....وكل الألوان
اعلان عن بيع الأهل والأصحاب
والقلب ولو لسه جواه احباب
وبيع العمر الكداب
والعود الدبلان
اعلان عن بيع كل الممكن
وكل اللي مش في الإمكان
اعلان عن بيع انســــــــــان.....

يعلن هذا المعلن عن بيع كل فصول شتاه وصيفه

وربيع العمر ......وخريفه ...وتخريفه

واي كلام كان من تأليفه

وكل الكتب اللي شايلها في الشنطه

وبيع تذكره القطر

وبيع الشنطه

إعلان عن بيع الإنسان صاحب هذا الأعلان

ولأن المعلن مش عارف.........

هو يسوى كام!!!!!!!

ولأنه يبيع انسان في زمان......

ارخص حاجه فيه ....الإنسان

هايكون البيع بالمجان

يعني اللي هيختار هايشيل

ولا يمكن ولا ينفع يرجع

فيا كل اللي باصين ف عنيا اقروا الأعلان

(إقتباس)

جامده جدا ياماكس مان

مش هقوللك غير كلمة واحدة ارد بيها على كل اللى انتا عاملتوا فيا
الله عليك

شكراااااااااااااااااااا لردودكم

تسلم ايدك على التوبيك الجامد ده

شكرا لردك يا ايه