اجمد نسكافيه تدوقه فى حياتك

هقولكو على خطوات تحضير مج نسكافيه جامد يظبط الجمجمة :

1-هنجيب برطمان فاضى ونحط فى السكر بتاعك ملعقة او 2 او 3 ونحط ملعقة نسكافيه ونغلى ماء ساخن ونحط فى البرطمان حبة ماء مغلى صغيريين اوى يا دوب عشان ترج البرطمان وتفضل ترج فيه لحد ما الرغوة تكتر وتلاقى البرطمان تقريبا فى نصه وتجيب لبن تسخنه وتحطه فى المج وهو فاضى وتحط عليه الرغوة من البرطمان وتقلب وتدوق يا معلم وقوللى رأيك .............

مرسى ليك على الطريقة الجامدة ديه وان شاء الله نجربها وتسلم اديك

ياراجل

واشرب النسكافية فى البرطمان ولا اية

بص ياباشا انا هقولك انا بعملة ازاى

اولا تحط 4 معالق سكر فى المج

ثانيا معلقة نسكافية

ثالثا تسخن حبة مية صغيرين اوى ويدوب تحط نقطتين مية على النسكافية وكل اما تزود السكر كل ما هيعمل وش اكتر المهم تحط نقتين مية على النسكافية والسكر وبعد كدة تعد تقلب فيهم لحد اما يوصل لنص الكباية وهتلاقى اللون اتغير وبقى تقريبا اصفر فاتح

وقريب من الابيض

وبعد كدة تحط اللبن سخن وقلب واشرب ياباشا وشوف بقى النسكافية بتاعى ولا النسكافية بتاعك

لا بتاعى طبعا الطريقة دى قديمة جدا طريقتى جربها وكل يوم هتشرب نسكافيه زى بتاعى

ايه ده لا طبعا نسكافيه مهاب طبعا لان كل الناس بتعمله كده هو احنا لسه هانجيب برطمان ونرج ده احنا عبال مانعمله هايكون اليوم خلص

والله عشان مجربتهوش ده بيترج فى ثوانى دى طريقة مهاب دى بتوجع الايد وتقليدية

لأا يامعلم مبتوجعش ولا حاجة هقولك
كل اما تحول تنشف السكر والنسكافية كل اما هيدوب ويبيض بسرعة لما تلاقية بقة عامل زى المية هتلاقى مبيتلونش ولا هيب\عمل وش يامعلم يافالح

علا فكره منار اختي جربت طريقتك بتاعه البرطمان وطلعت جامده جدا وانا بشربه دلوقتي بجد تحفه
وميرسي جدا علا الطريقه دي
وانا هابقي اعملها علا طول عشان بتاعه مهاب فعلا بتوجع الايد
بس بتاعه البرطمان بتعمل فوم اكتر وبمجهود اقل