تعرف ايه عن جمعية نهر الحياة ؟

السلام عليكم
الحكاية بدأت بحلم قديم للدكتورة/أمانى عبد المقصودأستاذ الصحة النفسية بجامعة المنوفية سنة 1990وقتها كانت بتعمل دراسة للحصول على درجة الدكتوراة وكان موضوع الرسالة عن (العزلة النفسية للاطفال اللقطاء) ومقارنتهم بالأطفال الايتام فى الأسر البديلة الدراسة شملت 200دار ايتام فى مصر بالاضافة الى قرى الأطفال العالمية SOS .
ومن هنا بدية الحلم
بعدها سافرت الدكتورة للعمل بالسعودية وهناك شاركت بحملة لجمع التبرعات لمؤسسة الأمير سلمان لرعاية ذوى الاحتياجات الخاصة ونجحت مع طالباتها وقتها فى جمع 100.000 ريال

واخيرا فى مصر وبعد مرور سنين يدخل الابن الاكبر معهد التكنولوجيا بالعاشر من رمضان وفى رحلة البحث عن شقة صغيرة تصلح لسكن الابن يعرض عليها اكثر من فيلا .. واية المانع؟ .. قالها زوجها المهندس محمد.. ممكن بردوا نشوف الفلل
وتدخل فيلا رحمة بالمجاورة الثانية .. تسبق زوجها بخطوة .. جميلة اوى

هنا قال الباشمهندس محمد السيد :هى دى يا أمانى دار الايتام اللى نفسك فيها.. هنخدها

وفعلا بدأت بسرعة اجراءات تحويل الحلم لواقع وحقيقة .. وبرغم توقف تصريحات دور الايتام فى مصر سنة2007 إلا أن الوزارة قد استثنت الدكتورة أمانى نظرا لدراستها المتخصصة وبرنامجها العلاجى المقترح لعلاج مشاعر العزلة لدى اللقطاء ..فكانت جديرة بهذا الاستثناء
وانتهت الاجراءات ووضعت يافطة كبيرة مكتوب عليها جمعية نهر الحياة للتنمية الانسانية والمجتمعية
لكن الاطفال لسة لم يعمروا الدار
هناك بعض العقبات أو الشروط .. حيث اشترطت الوزارة أن يكون فى حساب الجمعية مبلغ 60الف جنية كتأمين لاستلام 10أطفال وضمان لقدرة الجمعية على رعايتهم لمدة 6شهور على الاقل
وبدأت الجمعية تنشط كل الانشطة الاخرى
دعاية ومعارض وقوافل طبية .. عيادة نفسية .. ودورات تدريبة

بنفرش الفيلا
بنزود الحساب
بنحاول نكمل المبلغ
وأدينا بنكمل المشوار

رحاب الطحان0120479875
نهر الحياة (العاشر من رمضان): 015363606

السلام عليكم ورحمة الله وبركاته

طبعا كل الشباب اللى اتخرجوا همهم الكبير انهم يلاقوا وظيفة كويسة ومناسبة بس عشان تلاقى لازم تكون انت جدير بيه ومعاك شهادات تفيد انك تكون جدير بالوظيفة المناسبة طيب انت تعرف ايه هى الكورسات اللى لما تاخدها تبقى فعلا استفدت وحتقدر تلاقى وظيفة كويسة ؟؟؟ طبعا لااا ولو عارف فمنتش عارف التفاصيل أو مش عارف كل الكورسات أو المنح اللى ممكن تستفيد منها ... طيب انت دلوقتى قدمت فى وظيفة ورايح تعمل مقابلة شخصية يا ترى عندك المهارة دى ؟ بتعرف ازاى تعمل مقابلة ناجحة ؟؟؟؟ اكيد مش عندك المهارة ولو عندك فهى مش بنسبة 100% ..... انا ممكن أدلك لو عايز تعرف تعمل ازاى CVقوى وازاى تنجح فى مقابلاتك الشخصية وكمان تتعرف على أقوى المنح المجانية اللى حتأهلك لوظائف جامدة كلنا بندور عليهااا .... فى ندوة جامدة جدااااا مع الاستاذ م/ أسامة الجوادى رئيس فريق معا لاستثمار الموارد البشرية ... حيكلمنا فيها عن المنح والمقابلة الشخصية وده حيكون باذن الله يوم السبت الموافق 9/8/2008 فى مركز سوزان مبارك الاستكشافى للعلوم بالعاشرر من رمضان بالتنظيم مع جمعية نهر الحياة الخيرية وكمان الندوة دى مجانية ... حتقولى ياااه دى بعيدة أوى علياا حقولك انت لو قيست التعب بالفائدة اللى حتخرج بيها من الندوة دى حتلاقى انك الكسبان وكفة الفائدة هى اللى حتكسب وبعدين يا سيدى اعتبرها رحلة .... يلاااااا الفرصة جتلك اغتنمها ومتسبهاش تفوتك لو عايز تستفسر عن أى حاجة اتفضل:

رحاب الطحان 0120479875 نهر الحياة 015363606

Rehab_eltahan@ yahoo.com

وطبعااا الدال على الخير كفاعله يا ريت تمرر الرسالة على كل المضافين عندك عالميل وكمان بلغ اصحابك عشان تشجعوا بعض

معلش طولت عليكوااا

ومتنسوش ميعادنا يوم السبت 9/8/2008 بمركز سوزان مبارك الاستكشافى للعلوم

والسلام عليكم ورحمة الله وبركاته

كلام جميل جدااا و مفيد جدااااااا

بس المشكلة كلها تكمن فى حاجة واحدة

ان مفيش امل اننا نتخرج اصلاااااااااااااااااااااااا

باين عليكى جديدة معانااا
و ماتعرفيش ان احنا عشرييين جدااا
و مايهونش علينا نسيب الكلية بسهولة

بس بجد
ميرسى اوى على مجهودك و كمان على نصايحك الغالية

بس باين عليكى مثقفة و كمان لسه صغيرة

شكرا على ردك يا tito بس عيزاك تبقى متفائل شويتين عشان تقدر تكمل ولازم تبص ادامك عشان الزمن بيجرى ومش بيستنا حد يعنى خلص كليتك بس فى 4 سنين مش اكتر عشان تشوف مستقبلك وخليك عشرى مقلناش حاجة
وبالنسبة لمثقفة دى انا شخصيا اشك فيها
شكرا ليك مرة تانيه بس شاركنى فى الخير وعرف زميلك واقاربك على نهر الحياة

شكرا ميرفو عالنقل الطيب عن الجمعية جزاكى الله خيرا

فعلا الشباب محتاج انه يوجه طاقاته ووقت فراغه للجمعيات الخيرية .. كمان ندوات اسامة الجوادى جامدة جدا ربنا يكرمه يا رب فعلا مفيدة جدا... على فكرة يا تيتو جرب تحضرله ندوة وصدقنى حتستفيد جدااا وحتكره تقعد فى كليتك وحتحس انك حتتخرج عارف حتعمل ايه ربنا يوفقك يا رب وكل الطلبة وانا انجح ادعولى حشوف النتيجة بكرة

شكرا على ردك يا مروة وياااااااااااارب فعلا اللى يقدر يعمل اى خير ميتأخرش انا هحاول اعرف احتياجات الجمعية

على فكرة ياجماعة الجمعية محتاجة كتير هقولكوا عليها بس متتخضوش !!!!!

احتياجات جمعية نهر الحياة

احنا هنا حصرنا الاحتياجات بتاعت الجمعية

على أمل انننا نخلصها الصيف دا او فى رمضان

5 - سراير اطفال بدوريين

5 - دولاب اطفال

5 - مكاتب اطفال

20 - كرسى بلاستيك
للغرف والغداء

5 - طرابيزات بلاستيك

1 - تليفزيون

6 - مراوح ركنات

6 - سجاد ومشايات

3 - شانون لحفظ الملفات

20 - فرش سراير- وفوط – بطاطين-كوفرته

10 -مراتب سرير

3 - مراجيح قابلة للفك والتركيب
فى روف للى يحب يصصم مكان للعب+جنينة

1 - مرجيحة حديد -زحاليق
للجنينة

1 - ماكينة تصوير

الجميل هو توفر الاجهزة الكهربية ثلاجة والغسالة والديب فريز الحمد لله واحب افكركم بأنشطة الجمعية :
- تأسيس دار الايتام

2- مركز الاستشارات النفسية والاسرية

3- القوافل الطبية بالتعاون مع مجموعة فرسان الخير

4- المعارض (جديد ومستعمل)

5- الندوات والدورات التدريبية (التفكير الايجابى-ندوة ل د.ابراهيم الفقى – ندوة م.اسامة الجوادى (المنح المجانية فى مصر وفرص التوظيف)

6- حملة جمع الملابس – الادوية – الجرائد والكتب- الزجاجات البلاستك ودى هامة جدا

منقول من منتدى جمعية نهر الحياة

على فكرة ممكن تعمل خير لومش بتشتغل وصعب تتبرع بفلوس ممكن تجمع ملابس قديمه أو ورق أو علب بلاستيك وتبعتهم للجمعيه وهم هيبعوها والعائد هيرجع لنهر الحياة يعنى ممكن تساعد بحاجات انت مستغنى عنها وكمان مجرد متقول لاصحابك واقاربك دا كويس لان ممكن يكون فيهم اللى يقدر يساعد أو نفسه يعمل خير ومش عارف الطريق

جزاكى الله خيرا ياميرفت

شكرا ليك يا بيدو على ردك وياريت تكون معانا فى فريق العمل ساهم ولو بالاعلان عن الجمعية فى المنتديات وبين اصحابك وجزاك الله خيرا ان شاء الله

دا اللينك بتاع جروب الجمعية للى عايز ينضم

http://groups.yahoo.com/group/nahrelhaya_group/

ودا اللينك بتاع منتدى نهر الحياة

http://naheralhia.yoo7.com/index.htm

يا جماعه ازيكوا عندى خبر ليكوا ياااااااااارب يعجبكوا
على فكرة دى مجانية

تعلن جمعية نهر الحياة للتنمية الإنسانية
عن نـــــــــدوة
(احلــــم وحقـــق أحلامــك)
التخطيط وتحديد الأهداف
وذلك يوم الجمعة الموافق 29/8/2008 من الساعة 8.30:6.30 مساءا
بقاعة التلفزيون بالنادى الاجتمــــاعى
المحاضر:مهندس/عبد الفتاح محمود
رئيس فريق"إنسان"للتنمية البشرية
*الدعوة عامة*

للاتصال : 0120479875 -015363606

معلش ياريت تستحملونى بس انا حبيت انقلكم اخر اخبار جمعيه نهر الحياه

أخر أخبار جمعية نهر الحياة

1- تم إقامة قافلة طبية بمدرسة السلام 2 الابتدائية بالعاشر من رمضان بمنطقة الكيرهاوس (الكشف والعلاجى مجانى) وتم الكشف وصرف العلاج لعدد 219 طفل وأسرهم.
2- تم افتتاح مركز الاستشارات النفسية والاسرية (فضفضة وراحة) بمقر الجمعية لعلاج المشكلات النفسية وتعديل السلوك للأطفال والكبار.
3- تم اقامة ندوة عن القيم وأثرها على السلوك والشخصية بمدرسة المنارة الخاصة بالعاشر من رمضان
4- تم إقامة ندوة عن (المراهقة ..مظاهرها .. ومشكلاتها .. وطرق العلاج) وجارى اعداد ندوة للمراهقين والمراهقات
5- تم اعداد برنامج للدورات الخاصة بالتنمية الانسانية منها (التربية الايجابية - التفكير الايجابى ..الثقة بالنفس وقوة التعامل مع الحياة ..التعامل مع المشاكل والضغوط..إدارة الذات)باشراف من نخبة من الاستشاريين النفسيين والاجتماعيين
6- بدء برنامج للنشاط الصيفى يهدف الى :
1- تفريغ طاقات الطلبة فى فترة الاجازة الصيفية
2- تنمية طقاتهم الابداعية
3- شغل اوقات فراغهم بطريقة مفيدة
4- استثمار وقت الفراغ من خلال تنمية مهاراتهم فى مختلف جوانب الشخصية وذلك باجر رمزى جدا(10جنيه شهريا)
ويتم فيه تعليمهم مهارات الرسم على الزجاج والحرير -صناعة السلاس والشمع-الخزف- اعداد مجلة باقلامهم-محاضرات مبسطة فى التنمية البشرية - قرآن وسيرة.. ونشاطات اخرى
7- وجارى الاستمرار فى تجهير دار الأيتام

للاستفسار
nahrelhayat@gmail.com
rehab_eltahan@yahoo.com

نهر الحياة
العاشر من رمضان المجاورة الثانية فيلا 93-مربع 6
015363606
0112626739
0120479875

رحاب الطحان
جمعية ودار ايتام نهر الحياة
015363606-012047987 5
الايميل : Rehab_eltahan@ yahoo.com
nahrelhayat@ yahoo.com
موقع الجمعيه : www.nahrelhayat. net

ربنا معاكم وجزاكم الله كل الخير ولو احتجتوا فلوس قولى متتكسفيش احنا اخوات و لازم نساعد بعض

---------------
اللى خايف ميدخلش
https://www.youtube.com/watch?v=DLp9dHW15sw