maxman
عدد الرسائل : 411 العمر : 34 العمل/الترفيه : mobiles&computers المزاج : very nice تاريخ التسجيل : 03/12/2007
| موضوع: سلالالالالام يا صاحبي الجمعة 23 مايو - 16:10 | |
| وفي بحر الدنيا الموج عالي.....والصاحب طوق "أخوك شقيقك يا جدع لو خسرته ما يتعوض,زي الدراع اليمين لو مال ما يتعوض" هكذا قال التونسي الغمراوي في مواله الشهير عن الصاحب او الصديق "بس هنمشيها الصاحب" اللي هو الشخص اللي بيصاحبك في رحلتك بالحياه لفتره تمتد طوال الرحله او تقتصر على جزء منها ,والصاحب هو لقب او منزله مش كل الناس اللي بيمروا في حياتك وتفاصيل اكتر في رحلتك صعب تنساها,تفاصيل ايجابيه عاده وساعات قليله بتكون سلبيه,بس الساعات القليله ديه بتوجع اوي وبقدر قرب الصاحب ده واتساع مكانته في روحك والمساحه اللي قدر يشغلها جواك بيكون الوجع. الصاحب اللي ما بتتكسفش تميل عليه في ورقه بخمسه وانت مفلس وبيدهالك ويقولك في ساعتها هات جنيه عشان اركب وانا مروح,وكمان مش هايتكسف يقولك مفيش ويعرفك انه مفلس زيك (غالبا الأصحاب بيفلسوا سوا) وصاحبك ده هوه اللي مابتتكسفش "برضه" تعيط على كتفه لما الدنيا تديلك اي قلم من بتوعها على سهوه ,وغالبا مش هاتعرف تعيط تعيط لو ماكنش هوه اللي حاضنك, الصاحب اللي بيقسم معاك طبقك وبتخمسوا في كوبايه شاي واحده ,وماحدش يعرف آخر سيجاره في العلبه وعماله تروح وتيجي مابينكم كانت في علبه مين في الأصل, هوه اللي بينام جنبك في سريرك رغم انك مابتعرفش تنام جنب حد حتى اخوك ,الصاحب اللي لما تفتح دولابك وتلاقي قميصه متعلق فيه مابتستغربش ولما ماتلاقيش جاكتك وتفتكر انه عنده بقاله اسبوع برضه مابتستغربش . صاحب اللي بتلاقي نفسك بتتخانق مع واحد في الفريق اللي قدامكم علشان دخل عليه جامد وتلاقيه هوه اللي بيهديك ويقولك مافيش حاجه ولما تركب عربيه جنبه ويقولك نروح فين بتقوله اي حته وأنت متاكد انه هيوديك الحته اللي نفسك تروحها ,صاحبك اللي لما تليفونك يكون مقفول والدتك تتصل بيه تساله عليك, والللي حبيبتك بتغير منه وبتطلب منك ماتتكلمش عنه كتير وهيه معاك , وتلاقيها بتستغرب بعد كده لما تلاقي كلامك كله بيقل ,صاحبك اللي والده بيقابلك في الشارع وتلاقيه بيبعبتك مشوار بنفس اللهجه اللي ابوك بيبعتك بيها مشوار. صاحبك الحقيقي هوه اختيارك اللي بتتمسك بيه وبيتمسك بيك بعد فهمك للقاعده الشهيره اللي بتقول "اصدقائك تختارهم في حين يفرض اقاربك عليك" علشان كده مش بتصاحب اي حد رغم انك بتعرف ناس كتيير في رحلتك بس قليلين منهم اللي بيوصلوا للمكانه ديه في نفسك وبتلاقي روحك فرحانه لفرحهم ووججعهم بيوجعك وانت عارف ان ده شعورهم تجاهك وحتى لو المسافات بينكم بعدت فتره بتلاقي نفسك شايف صاحبك في ماقف كتير بتمر عليك وبيفضل هوه متابع شريط اخبارك لحد اليوم اللي تتقابلوا فيه تاني وتلاقي نفسك قاعد معاه وكأنكم ما بعدتوش وتلاقوا شريط الذكريات والأحداث الطويل بيمر في قعدتكم ومعاه ضحك "من اللي بجد" طالع من قلوبكم بيلغي كل المسافات اللي كانت فاصله بينكم , وبتلاقيه هو هو صاحبك التي اتكلمتوا في كل حاجه مع بعض رغم ان رأيكم ماكنش دايما واحد وحتى في سكاتكم كنتم بتفهموا كل الكلام اللي ساكتينه. صاحب اللي مش دايما بيكون شبهك ولا صوره طبق الأصل منك , بل في احيان كتير في ناس بتبصلكم وتستغرب ازاي التنين دول اصحاب , وتندهشوا انتم من استغرابهم وبتستغربوا ازاي واخدين بالهم انكم بتكلموا بعض , ورغم اختلافكم الظاهري بيكون جواكم روحين شبه بعض , لأن الحقيقين مالهمش اصحاب غير بشر حقيقين , والحقيقين بيؤمنوا بببعض وبيقروا قيمه بعض صح ,بغض النظر مين فيهم النهارده فوق ومين تحت علشان الرفاق الحقيقين مش بيفكروا في فوق وتحت الرفاق الحقيقين لو واحد منهم فوق بيكونوا كلهم فوق . وعلشان في احيان كتير كتير هتقابل ناس ويمروا في حياتك وتنخدع فيهم لفتره وتفتكرهم اصحاب لحد ما تيجي لحظه تعرفهم فيها على حقيقتهم ويقع الوش المزيف اللي كان مداري عنك ملامحهم وساعتها تشوف صورتهم البهتانه من غير زيف رتوش الألوان وتلاقي نفسك قبل ما تندم على الوقت اللي اتخدعت فيه وماكنتش شايف كويس , تلاقي نفسك طالع على القهوه اللي اتعودت تقعد عليها مع رفاقك الأصليين الحقيقين , وتدخل وانت مش مستغرب لما تلاقيهم مجتمعين , تشد كرسي وتقعد جنب أقرب قلب لقلبك ومن غير مايسأل مالك ولا كنت فين من مده تلاقي نفسك بتدندن "الندل صاحب قليل البخت واتواعدوا"وينادي هو على القهوجي ويطلبلك براد شاي بالنعناع من غير ماتقوله ان نفسك فيه ويحترم صمتك لفتره ثم يختصر كل مسافات البعد الوقتيه اللي مرت عليكم وكل مناواشات العتاب وهو بيقولك في الوقت اللي فيه ابتسامه على وشه بتحضنك اووي ..."وفًى الأصيل زي الغمامه بوعده" سلام يا صاحبي "مقتبس من جريده الدستور العدد166"
| |
|
ghawey hob
عدد الرسائل : 160 العمر : 34 الموقع : www.nba.com العمل/الترفيه : كرة السلة المزاج : تهييس تاريخ التسجيل : 10/01/2008
| موضوع: رد: سلالالالالام يا صاحبي السبت 24 مايو - 2:28 | |
| كووووووووووووووووول يا مان تسلم ايدك | |
|
maxman
عدد الرسائل : 411 العمر : 34 العمل/الترفيه : mobiles&computers المزاج : very nice تاريخ التسجيل : 03/12/2007
| موضوع: رد: سلالالالالام يا صاحبي السبت 24 مايو - 18:49 | |
| ميرسي لردك يا بوووب وتسلملي | |
|
aya
عدد الرسائل : 486 العمر : 34 العمل/الترفيه : طالبة بمعهد خدمة اجتماعية بجاردن سيتى المزاج : عادى تاريخ التسجيل : 09/10/2007
| موضوع: رد: سلالالالالام يا صاحبي الأربعاء 28 مايو - 15:05 | |
| مرسى ليك يا ماكس وتسلم ايديك على التوبيك الجميل ده ربنا يوفقك ويوفقنا جميعا | |
|
روميو
عدد الرسائل : 510 العمر : 34 الموقع : http://romyooo.ahlamontada.com العمل/الترفيه : 2تجارة المزاج : كوووول تاريخ التسجيل : 01/09/2007
| موضوع: رد: سلالالالالام يا صاحبي الخميس 5 يونيو - 19:21 | |
| ايه المواضيع الجامدة دى تسلم ايدك يابرنس | |
|
maxman
عدد الرسائل : 411 العمر : 34 العمل/الترفيه : mobiles&computers المزاج : very nice تاريخ التسجيل : 03/12/2007
| موضوع: رد: سلالالالالام يا صاحبي الجمعة 6 يونيو - 22:00 | |
| شكرااا لردودكم الجميله ديه وربنا يوفقنا ويوفقكم جميعااااااااا | |
|