دفاعا عن الحضرى

من رأيى ان الراجل ده من حقه يحترف بقى . عنده 35 سنه وقضى كل حياته فى خدمة النادى ومنتخب بلاده ولا عمرنا شفناه اتمرد زي غيره . بعدين انا مش لاقى اي مبرر لتأجيل الاحتراف من جانب الأهلى . بعدين فى العمر ده قليل قوى لما ييجى للاعب عقد من اوروبا . بس المشكله كلها الطريقه اللى مشى بيها بس صدقونى الراجل معزور كون شعبيه كبيرة فى مصر وافريقيا . وعامة الاختلاف ف الرأى لا يفسد من الود قضيه

كلامك صح بس برضه المفروض
كان يمشى بطريقه احلى شويه
ومن حقه يحترف لنه عنده 35 سنه
انا بصراحه زعلت عشان الطريقه اللى مشى بيها دى
كانه بيهرب بعد مكل الناس كانت فرحانه عشان الكاس وكده
الشعب كله زعل منه
وربنا معاه وكل اللاعبيه
وثانكس ع التوبيك

شكرا على ردك . بس ايه هى الطريقه اللى احلى من كده لما النادي يأجل النظر ف العقد المقدم من سيون الا بعد انتهاء الدورى

ياكابتن انت بتكلم فى 400 الف بقى الحضرى تمنه 400 الف بص الاهلى مش هيقف على لاغب بس ياخد حقه ويتقدر وسيون السويسرى مقدروش صح وعصام رجع وبيدرب فى الاهلى وهيلعب قريب جدا ان شاء الله

أولا: الحضري ماراحش سيون عشان خاطر الكام ألف دول والسبب اللي خلا الحضرى يروح سيون كلام رئيس النادي اللى اكدله انه هيفضل 6 شهور ف النادى على ان يتم تسويقه فى اوربا خلال الفتره السابق ذكرها وهو ده اللى كان ف دماغ الحضرى لما سافر ........... ثانيا: سبق وقولت الاختلاف ف الرأي لا يفسد من الود قضيه................... ثالثا وده الأهم : معاك ان مفيش نادي يقف على لاعب بس مش الحضري اللاعب ده واكيد انت عارف ليه ببساطه لانه بيدى للمدافعين اللى قدامه الثقه سواء ف الاهلى او المنتخب .....وبعدين ماتخدش الموضوع شخصى كده ........ وشكرا

يا جدعان الراجل عاوز يحترف على عينا و راسنا لكن مش بالطريقة دى هو واخد شهرة فى المنتخب مش هياخدها فى اى مكان تانى بس حقة

ألف شكر على ردك يا مان ....... معاك انه واخد شهره جامده من المنتخب بس نفسه بقى يلعب ف دوري أقوى من الدوري المصري ومن حقه بكل صراحه ومعاك انه غلطان ف الطريقه اللى فكر فيها بس اكيد زهق من التحكمات الغريبه من النادي والاعضاء ........ وشكرا

بص يا كابتن الحضرى اختار الفلوس وبس وهقولك ليه تفتكر ان مستوى نادى سيون يليق بالحضرى انا راضى زمتك نادى بيلعب فى المركز التامن وهما كلهم عشر فرق الاهلى موقفش قدام الحضرى الاهلى عارف قيمةالحضرى وسيون مش قيمته عموما انا عن نفسى كاهلاوى لو الحضرى اتنطط عشان يرجع مش هوافق لان المبادىء مبتجزأش والحضرى غلط اكبر غلطة فى حق النادى اللى كبره وعمل اسم الحضرى اسد افريقيا بس تعرف من ساعت ماراح سيونومستواه نزلكتير انا مش بفرح فيه بس دى الحقيقة شوف مستواه مع سيون والمنتخب دلوقتى

ازيك الأول يا أخ روميو ......... لما كنت بدافع عن الحضرى كان ضد جماهير الاهلى اللى طول عمرها بتهتف للحضرى ( أرقص ياحضرى ) هما هما اللى دلوقتى بيشتموه و....... و......... ليه ده كله ... على أساس ان الأهلى هو اللى بنى الحضرى ... طب ما زى الأهلى ضاف كتير للحضرى ... الحضري نفسه عمل للأهلى أنجازات ما حصلتش فى تاريخه ........... وده بشهادة أحمد ناجى مدرب الحراس لما قال ان الحضري أحسن حارس مرمى فى تاريخ الأهلى .......... المفروض علينا احنا الاهلاويه لما لاعب علم من أعلام النادى يعمل كده مانشمتش الناس فينا ............ وانا عن نفسى أتمناله التوفيق لأنه حارس المنتخب الأول طول حياته الكرويه القادمه....... وبس

انا معاك فى الموضوع ده انا شيفه انو عمل حجات كتير حلوه والناس نسيتلو كل حاجه
ومش فكرين بس غير الوحش بس هو اكيد غلطان لانه وقع نفسه ومش هيقدر يرفع نفسه تانى
يلا ربنا يعينو هو انسان كويس اولى مرسى عهلى الموضوع

ميرسي ع الردود ........ الرااجل غلط واحنا متأكدين من كده وهو برضه أكيد حاسس ...... بس ده الطريق للاحتراف حتى ولو الناس كلها قالت انه غلطان ............. الحضري ( هرب ) زي الناس مابتقول لما الكل وقف ف طريقه وبعدين هو ماراحش سيون حبا ف النادى ده ابدا كان من أهم نصوص العقد اللى وقع عليه الحضري انه فى خلال 6 شهور لو لم يتم انتقال اللاعب الى أي نادى أوروبي سيتم فسخ العقد .......يعنى سيون واخد الحضرى يسوقه..... وقد حدث بالفعل ........... الحضري الموسم اللى جاي ان شاء الله فى نادي ليون الفرنسي