عدد الرسائل : 615 العمر : 36 العمل/الترفيه : songer المزاج : منفض لدنيا كلها تاريخ التسجيل : 24/10/2007
موضوع: شط اسكندريه " الحلقه الاولى " ... قصه جامده جدا .. الخميس 3 يناير - 1:21
الحلقه الاولى
صحى شريف من النوم وكان فرحان اوى فى اليوم ده لانه كان راجع من اليكس امبارح ويومه كان جامد جدا لما قام من النوم مالقاش حد فى البيت كله خرج وهو قاعد لوحده فى البيت ماحدش معاه قام غسل وشه واتوضى وصلى وراح عالتليفون واتصل بأنتيمه احمد
شريف : الو احمد : شاوو شريف : ايه ياحبى انا عامل ايه احمد : الحمدلله احسن منك شريف : ايه الدخله العنيفه دى .. ماشى ايه الاخبار انت بتعمل ايه دلوقتى احمد: قاعد باتفرج على فيلم رعب شريف : ياواطى طب سيب اللى فىا يدك وتعالى اقعد معايا عشان مافيش حد فى البيت احمد : يابيض خايف تقعد لواحدك شريف : يابنى لا عايز اكلمك فى موضوع كده بس مش هاينفع فى التليفون احمد : اعم طب استنى اما الفيلم يخلص يا اما تعالى انت شريف : ياعم انا تعبان مش قادر انزل تعالى وابقى كمله بعدين احمد : انت خنيق خلاص جايلك مع انك ماتستاهلش شريف : هافهمك كل حاجه س تعالى على ماعمل كبايتين عصير تكون بتخبط عالباب احمد : طيب ياخويا سلام
دخل شريف المطبخ وعمل كبايتين العصير ولقى الباب بيخبط راح فتح لقى احمد لابس شورت بنى وفانله كات وشبشب بصباع
شريف : ههههه ايه يابنى اللى انت عامله فى نفسك ده ادخل احمد : جايبنى على ملى وشى ليه فى ايه شريف : يعنى بقالى تلت ايام مش باشوفك وتيجى تقولى كده احمد : خلاص ياعم انت هاتعمل فيلم عربى تلاقيك مش لاقى حاجه تعملها قولت تسرح بيا شويا شريف : اه انا باسرح بيك وانا غلطان انى كلمتك ومافيش عصير غور ياللا احمد : خد كبايه العصير منه .. مش تقول ان فيها عصير ها .. شكلك كده فى مصيبه عايز فلوس .. فى خناقه .. قولـــ شريف : يابنى انت ادينى فرصه اتكلم انت رغاى كده ليه .. بالع راديو احمد : قول ياسبع الطرنبه مانت تسافر اسكندريه وسايبنى انا هنا اكلم نفسى شريف : ماقولتلك تعالى معايا قولتلى اوكى ونفضت احمد : ها ايه الاخبار شريف : فى الحلو وفى الوحش الحلو انى شوفتها وكلمتها كتير اوى بس لسه ماقولتلهاش حاجه احمد : احكيلى من الاخر شريف : وانا جاى امبارح لاقيتها واقفه فى البلكونه بتشاورلى بصيتلها وضحكت قامت نازله الشارع وجت عشان تسلم عليا وهى جايه عليا فضلت باصصلها مش قادر اشيل عينى من عليها رميت الشنطه على الارض وهى قربت منى اوى وقالتلى انت ماشى قولتلها اه هامشى بقى عشان الامتحانات وكلها اسبوعين وهاجى تانى قامت بصت فى عنيا وقالتلى طب مش عايز تقول حاجه بصيتلها كده وقولتلها لا بس خدى بالك من نفسك وانا اكيد هاشوفك تانى قربت منى اكتر وابتسمت ابتسامه خلتنى كنت هاتحول وانا واقف كنت هاموت واقولها بحبك بس ماقدرتش خفت يكون قصدها حاجه تانيه قولتلها لا هاقول ايه يعنى قالتلى خلاص اوكى والله كنت هاعيط وفعلا عينيا دمعت سلمت عليها ومشيت لاقيتها بتندهلى تانى احمد : ايوااااااا .. قمت لافف ولاقيتها بتجرى عليك وانت قمت فاتح دراعاتك وجريت عليها انت كمان وقومت واخدها بالحضن وهاتك يابوس .. صح شريف : مش باقولك انا غلطان انى كلمتك احمد : مانت بتسرح بيا اهو ياعم شريف : يالا لا مانا لما لفيت لاقيتها بتقولى هات رقمك عشان ابقى اكلمك بس قالتلى ماتصلش بيها لان اخوها راعبها مابيخليهاش تتصل بحد احمد : طب مانت كده عمرك ماتكلمها الا اذا هى شملتك بحنانها وعطفها وكلمتك شريف : لا ما اخوها مسافر الاسبوع الجاى .. بس انا مش هاقدر اقعد اسبوع ماكلمهاش احمد : طب واللى يخليك تتصل بيها وتكلمها تعمله ايه شريف : بس بس انت بتتكلم عالفاضى احمد : ماشى ياعم تعالى طب نروح اى حته عشان الجو هنا خنقه جدا تعالى نروح القهوه وهناك هاكون لاقيتلك حل شريف : هاتروح كده بالشورت البنى والفانله الكات احمد : يالا هاروح اغير تكون انت كمان جهزت بدل لبس المعلمين اللى انت لابسه ده لابسلى جلبيه يافلاح شريف : طيب فى الانجاز بقى احمد : ماشى هارنلك تنزل شريف اوكى
دخل شريف الوضه وغير هدومه وقعد لحد ماحمد رن عليه نزله وراحوا القهوه طلبوا مشاريب وطاوله واغنيه شط اسكندريه شغاله شريف طول الوقت قاعد بيفكر فيها مانطقش حتى وهما بيلعبوا بيلعب فى صمت احمد اتخنق منه فاقفل الطاوله
احمد : ايه ياعم السهتان انت سرحان فى ايه .. الاغنيه حلوه اه بس مش تخليك تفكر فى الحبايب وتسيب صاحبك لايص كده شريف : ماتسيحليش بقى احنا قاعدين فى قهوه احمد : طب صحصح .. لاقيتها شريف : ايه دى الى لاقيتها احمد : هاخليك تكلمها شريف : يابنى ازاى مش عايز مشاكل احمد : هى مسجله رقمك شريف : اه احمد : خلاص هانكلمها من على موبايلى هات الرقم لو هى اللى ردت كان بها ومش هاسألك على رصيد الدقيقه دلوقتى بربع التمن لو اخوها اللى رد اديهونى انا هاشتغه اشتغاله صغيره كده كأن النمره غلط وكمان ساعه ولااتنين نكلمها تانى من نمره تانيه شريف : لا ياعم شوف حاجه تاني انت هاتعمل مشكله كده احمد: يابنى مافيش مشكله لا تقلق دينى النمره شريف : خد 01........ احمد : هى اسمها ايه ؟ شريف : اسمها ساره احمد : خد شوف لو هى اللى ردت عيش حياتك لو اخوها اديهونى شريف: ولله شكلك هاتودينى فى داهيه .. الو .. هى يالا ساره : الو مين معايا شريف : انا شريف ياساره ازيك ساره : شريف مين شريف : ايه ده لحقتى تنسينى ده انا كنت معاكى امبارح ساره : مش واخده بالى .. ايه ياشريف بتتصل بيا ليهانا مش .. قايلالك اخويا جنبى دلوقتى اقفل شريف : مش هاعرف اكلمك يعنى ساره : هاكلمك بعدين يكون الموبايل معايا
اخوها خد باله انها بتكلم حد خد منها الموبايل اخوها : بتكلمى مين .. الو شريف لاحمد: الحق يالا اخوها خدالموبايل.. ورما الموبايل من ايده احمد : الو اخوها : مين معايا احمد : ايوه ياباشا مش دى نمره ابراهيم اخوها : ايوه انت مين بقى احمد : انا ابراهيم .. قصدى انا صحاحبه اخوها : انا ابراهيم .. بس مش ده رقمى ده رقم اختى انت جيبته منين
قفل احمد فى وشه السكه اول ماعرف ان اسمه ابراهيم احمد : الحق يالا ياشريف شريف : ايه فى ايه احمد : ده طلع اسمه ابراهيم بجد والحوار اتفقس شريف : يانهار ازرق مش قولتلك هاتودينا فى داهيه اعمل ايه انا دلوقتى احمد : انا اسف ياشريف عملتلك مشكله شريف: انت فالح بس تقولى سيبه عليا وانا هاتصرف .. ولما جيت تتصرف عملتلى مصيبه احمد: ياعم مافيش مصيبه ولا حاجه هاتبقى سليمه انشاء الله شريف : هانعمل ايه طيب احمد : استنى لحد بليل واتصل بخالد ابن عمك شوف ايه اللى حصل شريف : وخالد ماله احمد : يابنى مش ساكن تحتيهم جارهم يعنى اكيد هايحضر لو كان حصلت مشاكل ولا حاجه يالا نمشى دلوقتى احسن انا اعصابى بايظه جدا شريف : حسبى اله ونعم الوكيل احمد: اهدى بقى يابنى انت
روح شريف وفضل طول اليوم يهرى فى نفسه عايز يعرف ايه اللى حصل فجأه تليفونه رن بيبص لقى خالد بيتصل بيه فتح عليه
شريف : الو خالد: الو .. ايه ياشريف ازيك شريف : الحمدلله.. عرفت اللى حصل النهارده عند ساره؟ خالد: ايوه ياعم واخوها نزل عندى وقعد يزعق شريف : طب هى حصل ايه معاها خالد : ده كل همك .. باقولك نزل وعملى مشكله مع اخواتى فى البيت شريف : وايه اللى تم يعنى خالد : هو مسافر كمان اسبوعين وقاللى اراقب ساره وعملهالى امانه فى رقبتى وقاللى لو كلمت حد كده ولاكده اتصل بيا وقولى وانا اضريت اوافق شريف : يعنى ايه مش هاعرف اكلمها تانى خالد : ايوه ياعم نفض بقى شريف : باقولك ايه اطلع منها والنبى ياخالد خالد : مش هاينفع صدقنى انا وعدت الراجل خلاص شريف : ماشى ياخالد المهم هى كويسه طيب خالد : اه اتطمن انا هابقى اكلمك واطمنك عليها شريف : كده عداك العيب ماشى خالد : ماتزعلش ياشريف شريف : سلام ياخالد