شقاوة الحب الجزء الأول عايز أعرف رأيكم

هتبدأ قصتنا مع اتنين شباب راكبين العربية ومشغلين عمرو دياب والحياة جميلة معاهم
واحد منهم اسلام فى امتياز علاج طبيعى 6 اكتوبر والتانى انتيمه كمال صيدلة عين شمس
كان اسلام زار كمال فى كليته ودى كانت المرة اللى رايح كمال فيها يرد الزيارة لأسلام فى كليته
ووقفت العربية قدام باب الجامعة ونزلوا دخلوا جوا وكانوا بيتمشوا بالراحة على اساس اسلام
يوضح لكمال امكان الكلية الخاصة بيه ودخلوا جوا قابلوا اصحاب اسلام حس كمال انه مش مرتاح

شوية وشوش بتضحك بس جواها مش صافى وبعدو ما اتعرفوا على كمال دخلوا شوية الكافتيريا
فطلبوا عصير وقعدوا يدردشوا وكمال كان احتاج مية فراح يجيب ازازة ميه وهو بيشرب كانت فى

بنوتة ماشية بتتكلم مع واحدة صحبتها ومش واخدة بالها فخبطت ايده وهى ماشية ووقعت الازازة فى

الارض طبعا المية غرقت البنطلون بتاعها من عند الركبة فطبعا لحق كمال قعدها على الكرسى
كمال:سورى مقصدوتش بس انتى كنتى ماشية بضهرك
هى مش بتنطق ومكشرة اوى
كمال طلع كلينكس قالها ممكن امسح مكانها
هى: خدت الكلينكس وبدأت هى تمسح مكان المية
كمال فضل واقف مستنى عشان مش يسيبها كدا
هى: قامت ومشيت بعد كدا ومن غير اى اشارة فطبعا كمال ادايق
وهى ماشية قال
كمال:هتاخدى علبة الكلينكس كلها ولا ايه
ضحكت ومشيت
راح قعد مع اسلام والشباب شوية وهو فاكر البنت وعنيها
وشوية لقى البنت وصحابها قاعدين بيتغدوا
فا هو طبعا متغاظ من اللى عملته وعايز يا خد حقه مش عارف وكان قاعد مراقب الجو
حتى كانوا الشباب بيكلموه مش مركز معاهم
وفجأة سابهم وراح واقف قدام البنت هى وصحابها
كمال:على فكرة انتى من ساعة ما دخلتى وانتى عمالة تاكلى مش راحمة نفسك
راح كل صحابها ماتوا على نفسهم من الضحك وهى سابت الاكل
كمال:كلمى كملى لسه عادى فى صحابك معاهم اكل
وصحابها شغالين ضحك وسبهم ومشى
خرجوا قعدوا برا
وفجأة لاقها جاية مندفعة عليه وهو عمل نفسه مش واخد باله
وواقفة وراه
هى:انا بقالى هنا تلت سنين عمر ما حد عمل معايا اللى انت عملته انهاردة دا
وهو عمل نفسه مش سامع
هى:هو انا مش بكلم حضرتك
كمال:ايوا أمرى
هى:مسمعتش اوك اكرر تانى بقولك انا بقالى هنا تلت سنين عمر ما حد عمل معايا اللى انت عملته

انهاردة دا
كمال:طيب اهدى شوية اتفضلى اقعدى
هى:لا مش هقعد
كمال:وانا مش هتكلم وانتى واقفة كدا
هى:سكتت
هو راح مدور وشه وهى مولعة على الاخر
وراحت ماشية خطوتين ورجعت تانى قعدت قالتله مش بكلمك
كمال:ايوا كدا لازم االعين الحمرة
هى :انت مين عشان تورينى العين الحمرة
كمال:انا كمال امتياز صيدلة عين شمس وانتى؟
هى بصت باستغراب من هدوءه
كمال رد على طول ايوا قولى انتى مين بس واهدى كدا عشان نتفاهم
قولى بس وبعدين هقولك نتفاهم على ايه بس انتى لسه ماسكة الكلينكس بتاعى
هى ابتسمت وكدا اضطرت تجاوبه
هى:بيزنس هنا
كمال:والاسم ايه؟
هى:ممكن تقول دودو
كمال:اهلا دودو سيبك بقى من كمال وقولى كيمو
دودو:لا مش هقول كيمو هو انت فاكر هنبقى صحاب وكدا ولا ايه
كمال:امال اتعرفتى عليا ليه وواخدة الكلينكس كمان منى هههههه
دودو:على فكرة انا كنت هديك الكلينكس مش هديهولك مدام عايزه كدا
كمال:تلاكيك تلاكيك ههههه
دودو:على فكرة انت مستفذ
كمال:دا اقل حاجة عندى بس هو انتى قاعدة بتتكلمى معايا ليه؟ههههه
دودو من عصبيتها نسيت وحطت الكلينكس على الكرسى وقامت
ورجعت تانى انت بردوا على فكرة محدش عمل معايا كدا زيك
كمال:قالها بجد سورى لو كنت دايقتك بس مش اقصد وياريت تقبلى اعتذارى
دودو:اوك مفيش مشاكل وخدت الكلينكس وقالتله مش هتاخده بردوا
ومشيت وبعد عشر دقايق كمال نده عليها تانى
هنشوف الحلقة الجاية حصل ايه
انتظرواااااااااااااااااا

الحلقة التانية:

ومشيت وبعد عشر دقايق كمال نده عليها تانى

كمال:على فكرة هترجعى تلاقى الاكل خلص ههههههههه
دودو:مستفذ مستفذ
رجع كمال عشان يشوف اسلام مع صحابه
اسلام: قاله بقولك ايه عشر دقايق هروح اشوف المعمل بتاعى وجاى
كمال:معمل ايه انت هتسيبنى هنا معاهم لوحدى لا خدنى معاك
اسلام:لا مش هينفع اقعد بس عشر دقايق وجايلك
وفضل كمال مع الشباب وبيكلم واحد منه كان اتعرف عليه اسمه خالد
خالد:انت عارف صاحبك راج فين دلوقت
كمال:راح فين؟
خالد:قاعد مع بنت جامدة طحن فوق
كمال:يا رجل يعنى مفيش لا معمل ولا حاجة
خالد:لأ يمكن قاعدين فى المعمل بردوا هههههههه
كمال:ما تيجى تودينى ليه
خالد:قشطة يا مان تعالى
وطلعوا فوق وبيبصوا من ورا الازار
خالد:صاحبك اهوه
كمال:ايه يااااااا .. قاعد ومعاك بنتين زى القمر ومنفضلى وقاعد هنا
وجاى يفتح كمال الباب
خالد :رايح فين
كمال:مفيش هسلم عادى
كمال بيكلم اسلام بقى
كمال:ايه يا عم انا دخت لحد ما وصلت لهنا فين الناس اللى انت عايز تعرفنى عليهم
اسلام:مين اللى قالك الكلام دا؟
كمال:ايوا اهم البنتين اللى قولتلى عليهم
اسلام:بنيت ايه يا واد
كمال:بس تصدق جامدين زى ما قولت
اسلام:الله يخرب بيتك
والبنتين قاموا طبعا مدايقين من اسلام

اسلام:انت ايه اللى عملته دا يا واطى
كمال:هههههههههه انا اللى واطى يا واطى يا بتاع المعامل
اسلام:ايه يا عم انا كنت ماشى عاد قابلتهم قعدت اسلم وبس
كمال:تسلم وسايبنى تحت يا واطى عليا انا
اسلام:روح بقى صلحلى الجو تانى
كمال:اصلحهولك ازاى دا
اسلام:معرفش زى ما نيلته صلحه
كمال:طيب اوك هما فين وانا هظبطلك الجو تانى
اسلام :روح دور عليهم تلاقيهم قعدوا تحت
كمال:طيب يلا بينا لو قبلناهم هشوف كدا
ونزلوا تحت يدورا مش لقوهم ورحوا يقعدوا تانى
كمال شافهم مع دودو بيتمشوا
فخدها فرصة وراح عليهم على طول
وواقف قدامهم
دودو:انت ايه عايز ايه تانى؟
كمال:انا مش جايلك انا جاى للقمرين دول
واحدة منهم بتقول لدودو:هو انتى تعرفيه؟
دودو:الاستاذ اكتر واحد مستفز شوفته
راحت التانية ردت:طيب بعد اذنك احنا مش فاضيين بعد اذنك
كمال:هى ايه كلية دى انا بس عايز اقولكم حاجة الموقف اللى حصل فوق كان هزار وبغلس على

اسلام مش اكتر ومفيش حاجة من اللى قولتها دى حصلت وسورى لو عطلتكم سلام

وراح كمال لأسلام قاله انا عملت اللى عليا
اسلام:اه ما انا لسه كنت متصل بيهم عشان أأكد وقالولى ان شكلك كان وحش اوى هههههه
كمال:هما قالولك كدا معلش اكيد لينا عمر وهاشوفهم تانى
بس وخلص اليوم وخارجين عشان يركبوا العربية
وكمال لاقى دودو والبنتين لسه طالعين بالعربية بتاعتهم
كمال:هات يا اسلام المفاتيح بسرعة انا اللى هسوق
اسلام:لأ بلاش يا عم انت مجنون
كمال:بقولك خلص هات
وطلع كمال وراهم بالعربية بسرعة
ووووووووووو نكمل الحلقة

الحلقة التالتة:

ودودو والبنتين رشا وداليا راكبين العربية وبيتكلموا عل دكتور كان بيغلس عليهم
ودودو ساكتة ومرة واحدة قالت بس احنا كسفنا كمال اوى
راحت داليا ردت:كمال مين؟
دودو:انتى نسيتى اللى قولتيله عن اذنك ومشينا
داليا:اه انا قولت كدا عشان ما انتى قولتى دا مستفذ اوى عشان خاطرك يعنى
دودو:اه اه هو يستاهل
داليا:هههههههههه شكله صعبان عليكى تانى
ومرة واحدة مشى كمال جنبهم بالعربية وبيبص من غير ما يتكلم

راحت رشا قالت لدودو استنى بقى انا هعمل فيه موقف هيخليه يولع
دودو:هتعملى ايه كفاية حرام عليه كدا
رشا:هو اه عسول بس مش تعملى كدا اصبرى هتشوفى هعمل ايه

وراحت مهدية العربية وركنت ونزلت وقالتلهم انزلوا واعملوا نفسكم ان العربية عطلت
دودو:والله انتى مجنونة لما نشوف اخرتها ايه

فطبعا كمال واسلام شافوا كدا

كمال:يا سبحان الله ربنا خدلى حقى على طول كدا
اسلام:ايه انت هتشمت فيهم ولا ايه
كمال:لأ بس الواحد يحسن انه بياخد حقه ويرويهم انه احسن منهم
اسلام:ازاى يعنى؟
كمال:هننزل نساعدهم
اسلام:اوك اكيد بنات بردوا
ونزلوا راحولهم

كمال:بغض النظر عن انهاردة بس مش ينفع بنات تقف كدا على الطريق ايه المشكلة؟
محدش رد فى الاول
كمال:امممممممم واضح ان صوتى واطى مثلا بقول ايه المشكلة عشان نقدر نساعدكم
بردوا محدش رد بس دودو صعب عليها بس مش عارف تقول ايه
اسلام:يا جماعة ما تقولوا فى ايه مش ينفع الوقفة دى
رشا:على فكرة احنا مطلبناش من حد مساعدة ومفيش مشاكل
اسلام:طيب يعنى لو كمال كان مدايقكم اعملوا احترام ليا ولمعرفتنا
داليا:سورى يا اسلام بس فعلا مفيش مشاكل احنا وقفنا بس شوية بالعربية هنا
راح كمال سايبهم وماشى على طول
واسلام قال:طيب اوك احنا كنا عايزني نطمن عليكم وبس عن اذنكم
ومشى ورا كمال وركبوا العربية ومشيوا

دودو قالت لرشا:ايه الموقف البايخ دا مكنش ليه لزمة كدا
رشا:فى ايه مالك بالراحة بس
دودو:يا رشا شكلنا بقى وحش اوى يعنى هما نزلوا عشان يساعدوا ونقوم نردها نكسفهم
رشا: مش عارفة هى جت كدا بس كنت عايزة اغلس بس جت زيادة شوية
داليا :طيب يلا اركبوا وهنلاقى حاجة نصلح بيها الجو

وركبوا ومشويا بالعربية وهما ماشيين
داليا:على فكرة اسلام كان قالى انه قبل ما بيروح لازم بيعدى على كافيه لافار
رشا:يعنى نعمل ايه مش فاهمة؟
داليا:يعنى ممكن نعدى هناك ويمكن نلاقيهم ونحاول نصلح الجو
دودو:اه ياريت عشان شكلنا وحش اوى
داليا:طيب بالراحة هنروح اهوه

نرجع لاسلام وكمال
كمال:انت ماشى من الطريق دا ليه ما تمشى من الطريق دا اقرب
اسلام:لأ عشان نعدى على لافار نهدى شوية ونروح
كمال:انا مش فاهم ايه سر الكافيه دا وليه لازم بعد الكلية تروحه
اسلام:اصلى متعود على كدا من ايام هدى كنا بنرجع سوا ونقعد شوية ونروح
كمال:واهى راحت هدى وايام هدى بتروح ليه بقى
اسلام:اتعودت يا اخى انت غلس ليه وبعدين عشان نضيع الكبستين اللى خدتهم دول
كمال:اه متفكرنيش انا لو مسكت واحدة منهم هولع فيها
اسلام:ههههههههههههه اول مرة حد يعمل فى كيمو كدا
كمال:بقولك ايه وصلنى انا وبعدين روح الكافيه بتاعك دا
اسلام:هو مش بمزاجك يا بنى هنروح سوا ونروح سوا وبطل بقى خنقة
كمال:روح يا عم لما نشوف اخر الذكريات بتاعتك دى

وركنوا وطلعوا
اسلام :هتشرب ايه
كمال:هشرب ايه ايه مش نتغدى الاول
اسلام:طيب اوك هتاكل ايه
كمال:شوف انت اختار مش دا الكافيه المفضل شوف ايه كويس هاته
اسلام:طيب تمام انا هظبطك مش تقلق
ونزل الغدا وقعدوا يتغدوا

ودودو واصحابها ماشيين لقوا العربية تحت
دودو:اهى اهى عربيتهم اهى
داليا:هههههههههه دا واضح ان الحكاية مش حكاية موقف وحش خالص
رشا:اه ما انا واخدة بالى يا مستفذ يا مستفذ هههههه
دودو:انتوا اللى مستفذين يلا

وطلعوا فوق وووووووووووووونكمل الحلقة الجااية

الحلقة الرابعة

وهما طالعين رشا مامتها اتصلت بيها وقالتلها لازم تروحى دلوقت
فبتقولهم كدا لداليا ودودو انها لازم تروح
قالولها والعربية يا واطية
رشا:لا لازم اخدها معلش اسيبك بقى وابقوا اتصلوا احكولى سلام
دودو وداليا :طول عمرك واطية

وبعدين دخلوا لقوا اسلام وكمال جنب شباك بيتغدوا
راحوا جنبهم قالت داليا الله دا اسلام هنا اهوه
دودو راحت على كمال على طول
دودو:على فكرة احنا جايين عارفين انكم هنا عشان نعتذر
انا اسفة لو كنا قلينا زقنا معاكم
كمال:طيب اتفضلى اقعدى اقعدى انتى كمان ياااا
داليا:اسمى داليا
كمال:تشرفنا يا داليا اتفضلى يلا شوفوا تاخدوا ايه
اسلام:لا انا صاحب الكافيه دا تاكلوا وتشربوا على مزاجى
داليا :طيب اوك على مزاجك قولنا الاختيارت وننقى ويبقى مزاجنا بردوا
وفعلا اختاروا ونزلهم الاوردر بالغدا
بس كمال بردوا مش بيتكلم الا قليل جدا لسه مدايق
ودودو حاسة ان شكلهم وحش وشايفة يا أما تقوم او تحاول تصلح الموقف اكتر

دودو راحت ساحبة قطعة فيليه من قدام كمال وكلتها بتغلس يعنى
كمال فضل يبصلها كدا
دودو:ايه انت هتبصلى وانا باكل هنا كمان مش كفاية هناك سديت نفسى
كمال:سديت نفسك ايه بس الغريب ان جسمك رشيق ما شاء الله على الاكل دا كله
دودو:ميرسى دا بس من زوقك
كمال:لا دى مش مجاملة بس ممكن بردوا تقولى بتدل على الغل اللى جواكى بتاكلى ومش بيبان عليكى ههههههه
دودو:بقى كدا الله يسامحك
كمال:ايه دا من امتى البراءة دى
داليا:وبعدين بقى مش هنعرف نركز فى الاكل
كمال:معلش ركزى انتى فى الاكل انا بكلمها هى ها مردتيش
دودو:مردتيش على ايه مش فاهمة؟
كمال:من امتى البراءة دى
دودو:انا شريرة مش بريئة دى
كمال ابتسم كدا ليها
وبعد ما خلصوا داليا بتقول
داليا:ايه يا اسلام نظام الفلوس هنا هندفع ولا هنغسل صحون
اسلام:طيب انتى هتعرفى احنا مش هنعرف
كمال:خلاص الحساب خلص
دودو:خلص على اساس ايه وتدفعلنا ليه
كمال:يلا يا اسلام سيبك منهم احنا مستنين تحت
اسلام:ايوا كدا ابقى تعالوا اتغدوا كل يوم عشان يدفع يلا يا مان
دودو بتلكم داليا بقى بعد ما نزلوا
دودو:على فكرة كمال دا جينتل اوى حتى لما بيغلس جينتل
داليا:وايه كمان؟
دودو:هو ايه اللى كمان انا مدايقة من غعلاستنا معاه اوى
داليا:مش رحتى اعتذرتى عايزة ايه تانى
دودو:مش عارفة بس يلا نلحقهم عشان مش يقفوا كتير
ونزلولهم

اسلام:امال فين عربيتكم
داليا:رشا اضطرت تروح وخدتها معاها
كمال:طيب يلا اركبوا
دودو:لا لا لا نركب ايه
كمال:ايه فى ايه المشكلة؟
دودو:نركب معاكم على اساس ايه
كمال:يا ستى اعتبرينا سواق التاكسى اللى مش هتلقوه دلوقت
داليا :يلا يلا اجرة ما دفعتلنا فوق ههههههه
كمال:اطلع يا اسلام سوق بقى عشان انا تعبت
اسلام:سواقكم انا بقى ماشى ماشى
ووصلوهم وطول السكة فضوا ساكتين
وصلوا داليا الاول وفى الاخردودو
كمال نزل من العربية
قالها فرصة سعيدة يا دودو
دودو:انا اسعد يا كيمو
كمال:الله مش قولتى مش هنقول كيمو دى
دودو:ما محبة الا بعد عدواة بقى هههههه
كمال:طيب بمناسبة العداوة هاتى نمرت تليفوك عشان اطمن عليكى لما توصلى
دودو:تطمن على ايه ما انا وصلت خلاص اهوه
كمال:يعنى لازم اقول انى مش عارف احوز عشان اخد النمرة عايز اخدها يعنى وكان بيبتسم
دودو:امممممممم وهى بتبتسم بردوا طيب اوك مفيش مشاكل هات اسجلهاهلك عندك
كمال:الموبيل ليه الشرف يبقى فى ايدك
وطلعت دودو
اول ما طلعت بخمس دقايق اتصل بيها
وقالها...............
ونكمل الحلقة الجاية

الحلفة الخامسة

كمال:الو
دودو:الو
كمال:الو الو
دودو:هو انت مش سامعنى ولا ايه
كمال:لأ اصل الو منك حلوة مش متعود تكون كدا
دودو:طيب كويس انك نبهتنى عشان مش اقولها تانى
كمال:ليه بقى نرجع للرخامة تانى
دودو:ايه دا بقى انا رخمة
كمال:لأ انا اللى برخم دلوقت
دودو:طيب متصل ليه هو انت حلقت؟
كمال:اه اصلى كنت بتأكد لسه معايا رصيد ولا لأ
دودو:يا سلام واشمعنى انا تتأكد عن طريقه
كمال:يعنى اصلها نمرة جديدة وكدا يعنى
دودو:طيب ودا كله الرصيد مخلصش
كمال:قرى بقى على الرصيد
دودو:ايه دا بقى انت هترجع غلس تانى طلعتنى بقر ورخمة امشى بقى
كمال:امشى فين
دودو:امشى يلا مش انا وحشة كدا
كمال:مين قال كدا انا كنت عايز اقولك انك عسولة وانا ظلمتك
دودو:واي كمان
كمال:ايه انتى ما صدقتى
دودو:امشــــــــــــى
كمال:امشى فين
دودو:ايه دا كله وكنت بتشوف الرصيد خلص ولا لأ
كمال:هو انتى معرفتيش
دودو:معرفتش ايه
كمال:مش انا خط مش كرت
دودو:ههههههههههههههههه انت بجد مشكلة
كمال:كدا مشكلة الله يسامحك
دودو:يا خلاصى زعلت
كمال:لا مش بزعل من البنات الحلوة بس هقفل بقى خظك اسلام وصلنى بسرعة
دودو:هو حد قالك اتكلم دا كله عشان بتقول هتقفل دلوقت
كمال:ماشى ماشى خليكى بقى كميلة على طول وسيبك من كدا شوية
دودو:هشوف هشوف
كمال:طيب اخر كلامى مش عايزك تفتكرى غير اى حاجة حلوة حصلت انهاردة
دودو:اوك وانت كمان
كمال:ماشى يا جميل مع السلامة
دودو:الله يسلمك

ودا كله واسلام راكن العربية مستنى كمال يخلص مكالمته
اسلام:ايه مش هتعمل مكالمة كمان ومقعدنى اسمع كدا
كمال:ايه يا عم ما دول صحابك فى الكلية بردوا
اسلام:وانا مالى يعنى بصحابى بس ممكن افهم ايه سر الاهتمام الغريب بتاعك دا
كمال:اهتمام ايه
اسلام:يعنى انك رخمت على بنت مش تعرفها ومش عادتك وبعدين تصر على دا وانك بعد كدا تكمل كلام وتاخد نمرة التليفون ومش عارف هتوصل لأيه؟
كمال:هههههههههههههه كل دا تصدق حصل اازاى فى يوم واحد
اسلام:اسأل نفسك
كمال:تصدق مش عارف بس هو حاسس انى اعرفها من زمان وانى شوفتها قبل كدا
اسلام:واخرتها يا دكتور؟
كمال:اخرتها وصلت لبيتى وهدخل ارتاح بقى من صداعك دا هههههههههه
اسلام:طيب يلا انزل خليك فى كليتك الناس اللى خنقة هناك مش يصدعوك
كمال:ماشى يا موعلم مع السلامة
اسلام:سلام يا بوب

وطلع كمال فتح الباب ودخل اوضته على طول
خد الشور بتاعه وصلى ونام
بس عنيه مش راضية تغمض
واليوم عمال يمر قدامه من اوله وبيفتكر كل كلمة وكل نظرة وكل لفتة فيه
حتى عنيه غمضت المواقف بتتكرر صوت وصورة
قام من النوم قعد فى البلكونة مش مبطل تفكير

عايز يكلمها ويسمع صوتها تانى بس مش لاقى سبب
فحاول يتوه فى اى حاجة ساعة ساعتين
محسش غير وهو بيتصل بيها

دودو:الو
كمال:الو
دودو:الله تانى
كمال:تانى ايه
دودو:عجباك الو يعنى
كمال:اه كله عاجبنى
دودو:هو ايه دا
كمال:مش عارف
دودو:طيب يا كمال متصل ليه
كمال:متصل عشان ايه مش تقولى ازيك الاول
دودو:ما انت كنت لسه معايا من خمس سعات
كمال:دا كله عشان ازيك طيب ازيك انتى
دودو:الحمد لله ها متصل ليه
كمال:ممممممم اه متصل عشان اسألك هى لسه علبة الكلينكس معاكى؟
دودو:هههههههههههههههههههه هو انت بخيل ولا ايه
كمال:اه فى الكلينكس بخيل اوى عض قلبى ولا تعض كلينكسى
دودو:ههههههههههههههههههه طيب اه هى معايا لسه
كمال:طيب خدتى منها تانى ولا لسه زى ما هى
دودو:هتفرق معاكى اوى يعنى؟
كمال:اه طبعا هو حد لاقيه اصلا
دودو:لا لسه زى ما هى
كمال:الحمد لله طمنتينى
دودو:لا مش طمنتك انت مش هتاخدها اصلا
كمال:ليه بس
دودو:كدا غلاسة
كمال:بس انتى مش غلسة
دودو:امال انتى ايه
كمال:لا بلاش هتزعلى
دودو:نعم هزعل لا مش هزعل قول
كمال:ههههههههههههه لا هتزعلى
دودو:قول بقى مش تدايقنى
كمال:هو اللى بياخد حاجة حد مش بتاعته وهو مش راضى يبقى ايه
دودو:قول اللى انت عايزه مش هتاخدها بردوا
كمال:طيب هقولك طلب ياريت تحتفظى بيها ومش تردى تقولى اه او لأ
دودو:طيب مش هقول
كمال:طيب بتنامى امتى؟
دودو:انا سهرانة شوية فى البلكونة
كمال:ايه دا بردوا انا كمان واقف فى بلكونتى
دودو:ايه المشكلة
كمال:اصل انا عرفت دلوقت السر
دودو:سر ايه؟
كمال:اصل القمر كنت شايفه ومرة واحدة اختفى اكيد ما هو الارض مش هيبقى عليها قمرين
دودو بقى انبسطت اوى وخايفة تضحك يسمع صوتها
دودو:انت طلعت بكاش كمان
كمال: لا طبعا الحقائق الكونية مفيهاش بكش
دودو مش عارفة ترد ومبسوطة ومرة واحدة دخلت عليها اختها
دودو:اه طيب معلش هستأذن بقى دلوقت
كمال:ايه هو انتى اديقتى لو اديقتى معلش
دودو:لا مفيش حاجة معلش مع السلامة

كمال طبعا ادايق ومستغرب عملت كدا مرة واحدة ليه
وهى اختها لما لقتها بتتكلم فى الموبيل على غير عادتها فى الرخامة خرجت

ودودو مدايقة عشان حست انها دايقته مع انها كانت مبسوطة وعمالة تقول يارب يتصل

وهو قرر انه مش يتصل ومش يدايقها تانى

وفكرت دودو فى حاجة هنعرفها الحلقة الجاية

الحلقة السادسة

دودو راحت باعتة مسج لكمال بتقوله لو انت لسه فى البلكونة ياريت تدخل لحسن تاخد برد فى الحر دا
كمال قرى الرسالة قعد يضحك شوية
وبعت رسالة تانية وانتى خايفة عليا من البرد ليه؟
ردن هى برسالة بتقول اصل خايفة تبرد وتيجى تقولى عايز الكلينكس ومش هتاخدها
راح متصل هو على طول
كمال:ههههههههههههههه
دودو:ايه دا خلاص مبقتش عايز تسمع الو بتاعتى
كمال:لا بس مش قادر امسك نفسى من الضحك ما بتعرفى تهزرى اهوه
دودو:بقى كدا طيب انا غلطانة اصلى جسيت انك اديقت لما قفلت مرة واحدة
كمال:اه فعلا انتى مش شايفة انها حاجة تدايق؟
دودو:لا اصل اختى دخلت عليا مرة واحدة ومش كنت عارفة اتكلم
كمال:خلاص ولا يهمك حصل خير وعلى فكرة انتى تستاهلى مصنع كلينكس مش علبة بس
دودو:بس على شرط يكون منك عشان تدايق شوية
كمال:طيب واضح ان موضوع الكلينكس دا هيطول طب هو مفيش طريقة انفع اشوفك بيها؟
دودو:تشوفنى ليه؟
كمال:امممممممم عشان اصل فى سر عايز اقولهولك
دودو:سر ايه بقى؟
كمال:سر خطير اوى اوى
دودو:مش عايزة اعرفه
كمال:لا مينفعش ازاى يعنى
دودو:يا سيدى انا مش عايزة اعرفه خليه سر كدا
كمال:وبعدين بقى؟
دودو:ايه بس ما انا بقولك ريح نفسك مش عايزة اعرفه وانت تتعب نفسك ليه
كمال:فاكرة لما قولتلك مش بعرف حوارت ساعة ما خدت النمرة
دودو:اه عجبتنى اوى صراحتك اصلها بتبقى حركات مكشوفة
كمال:انا بقى عايز اشوفك بردوا بس من غير حوارات
دودو:طيب لو قولت سبب مقنع اوك مفيش مشاكل
كمال:سبب مقنع مش عارف ممكن اطمن على الكلينكس ههههههه
دودو:لا اتكلم بجد لو كنت بتتكلم بجد اصلا
كمال:والله بتكلم بجد انى عايز اشوفك
دودو:ليه وخليك صريح زى ما انت كدا
كمال:والله مش هتصدقى لو قولتلك مش عارف بس اكيد هشوفك
دودو:جيبت الاكيد منين؟
كمال:اصلى يعنى وافقتى مش وافقتى هشوفك مش بمزاجك
دودو:ايه دا دا انت مصيبة
كمال:امال فاكرة ايه قدرك اللى رمانى فى طريقك هتعرضى على قدرك؟
دودو:ونعم بالله
كمال:بس مش هيبقى قدر وحش ان شاء الله
دودو:طيب مين قالك انك لو شوفتنى من غير ما اتفق معاك انى هرضى اكلمك
كمال:ايه يا ماما انتى فاكرة نفسك هتقدرى تقاومينى
دودو:ايه اقاومك دى مش تقولها على نفسك انت كدا دى حاجة مش حولة هههههههه
كمال:خلاص نجرب
دودو:نجرب ايه؟
كمال:اشوفك بكرا ونجرب هتقاومينى ولا لأ
دودو:هههههههههههههههه انت بجد مجنون
كمال:مجنون طيب هشتوفى الجنان الاصلى اصبرى عليا
دودو:ابقى ورينى شطارتك
كمال:اوك هتشوفى يلا معلش سهرتك بس اطول واغرب ومش عارف حسس بردوا انه من اجمل ايام حياتى
دودو:يوم مش هيتنسى فعلا
كمال:تصبحى على خير واشوفك بكرا
دودو:وانت من اهله لما اشوف

كمال اتصل باسلام
اسلام:ايوا يا عم متصل دلوقت ليه
كمال:فى ايه يا عم اصحى وفوقلى كدا
اسلام:حرام عليك يا عم هو انت مشترينى صبح وليل
كمال:طيب خلصت الكلمتين
اسلام:يا مصبرنى نعم؟
كمال:عايز اعرف عنوان دودو دلوقت
اسلام:ليه بقى ان شاء الله؟
كمال:يا عم انت مالك عايزه وخلاص
اسلام:مش اعرفه
كمال:اتصرفلى حالا عايزه
اسلام:امممممممممممم هى فى طريقة
كمال:ايه هى؟
اسلام:انا معايا نمرة تليفون البيت ممكن تتصل بيها وتسألها
كمال:انت بتقول فيها هات النمرة
اسلام:هتعمل بيها ايه
كمال:هعمل بيها سيرش على النت وهعرف العنوان
اسلام:ما انت صايع اهوه
كمال:طول عمرى ههههههههه هات يلا
اسلام:طيب لحظة

وفعلا خد كمال النمرة وجاب العنوان بس ياترى هيعمل ايه
هنعرف الحلقة الجاية

الحلقة السابعة

قام كمال من النوم بدرى على غير عادته
خد الشور وصلى ولبس
وراح بالراحة على اوضة باباه وخد مفاتيح العربية كالعادة من وراه

ونزل بسرعة ركب العربية وجرى على عنوان دانا

ووقف تحت البيت وطلبها فى التليفون
كمال:صباح الخير يا كميل
دودو:كميل ايه انت ازاى تقولى كدا
كمال:ايه هو انا بقولك حاجة وحشة
دودو:لا انت خدت عليا اوى كدا
كمال:وبعدين احنا لسه على الصبح امال لو قولت كلمة تدايق هتعملى ايه
دودو:لا انت جينتل مش تقول كلمة تدايق
كمال:لأ دا بمزاجى ولا نسيتى موقف الاكل هههههههههههه
دودو:اه حرام عليك بجد كنت جعانة وخلتنى اسيب الاكل
كمال:لا معلش حقك عليا اعوضهالك انهاردة
دودو:تعوضهالى فين وازاى مش فاهمة
كمال:عادى هشوفك زى ما قولتلك وهعزمك على الغدا
دودو:انت بتحلم باين لسه مصحتش من النوم
كمال:طيب وانتى بتكلمينى كدا اتمشى روحى للبلكونة كدا بس خلى بالك لا الشمس تغيب تكسف منك زى القمر
دودو:وبعدين فى بكش الصبح دا بس اوك انا اصلا كنت داخلاها
كمال:ها دخلتى ؟
دودو:ايوا دخلت
كمال:ايه رايك فى العربية اللى راكنة تحت بيتكم دى
دودو:يخرب عقلك انت مجنوووووووووون
كمال:مجنون ايه انا مش برجع فى كلامى
دودو:يلا امشى امىش بسرعة لحد يشوفك
كمال:بقى انا بكلمك فى التليفون من امبارح وتقوليلى امشى دا بعدك
دودو:انا داخلة بقى اشوف حاجتى عشان نازلة اوعى الاقيك مش مشيت
كمال:تؤتؤ هتلاقينى هههههههههه
دودو:وبعدين بقى طيب سلام
كمال:سلام

ونزلت دودو من عمارتها وكمال ماشى من الجنب التانى شوية يسبق بالعربية وشوية يتأخر
بعد ما عدت الشارع بتاعهم قرب بالعربية
كمال:اركبى بقى بدل ما ماشية ومفيش تاكسيات دلوقت
دودو:انت مجنون اركب ايه مش اركب انا دى وكمان لوحدنا انسى
كمال:يا ماما اركبى اعتبرينى التاكسى بس مش هاخد اجرة
دودو:انســـــــــى
كمال:لا انتى متعرفنيش بقى هتركبى يعنى هتركبى
دودو:ورينى هتركبنى ازاى
كمال بقى عشان يعاندها اكتر مشى جنبها يعاكسها
كمال:يا جميل يا قمر انت قولى بس ازاى القمر طالع مع الشمس فى نفس الوقت
دودو:عايزة تضحك وماسكة نفسها بالعافية
كمال:يا ابيض انت رد بقى
هى سمعت ابيض دى ممسكتش نفسها من الضحك
كمال:ضحكة دى ولا قمر بفصوص لولى
دودو عملت فيها بقى الجد ومشيت تمد بسرعة
كمال بقى فضل مهدى لحد ما قربت توصل لأخر الشارع وهتحود
راح هو راجع بالعربية بسرعة ولف من الشارع التانى
وهى لسه جاية تغير اتجاه الشارع لقت العربية فى وشها
دودو:عايز ايه حرام عليك انا اتخضبت
كمال:عايز سلامتك اركبى بس هوصلك ومش هتكلم يارب اموت لو اتكلمت
دودو:بعد الشر عنك مش تقول كدا تانى
كمال:ايه دا لحقتى تقعى فيا دا انتى حالتك بقت صعبة
دودو:هس بس اطلع بقى وسوق ومش عايزة صوت
كمال: اه طبعا هسوق من غير صوت

قعد خمس دقايق كمال من غير كلام
دودو:ايه الادب اللى نزل عليك بتسمع الكلام كدا على طول
كمال:طول عمرى بسمع كلام الاكبر منى يا طنط
دودو:ههههههههههههه طنط مين
كمال:انتى طنط دودو بتاعة برنامج هيا بنا نأكل ههههههه
دودو مش قادرة تمسك نفسها من الضحك
دودو:بس كدا بقى سوق ساكت تانى
كمال راح مشغل اغنبية هشام عباس قول عليا مجنون ويبصلها ويعاندها ويلعب حواجبه
وهى خلاص بقى استسلمت للضحك مش قادرة
وقالتله دا انت فعلا مجنون يعيد حتة قول عليا مجنون هههههههه
وبعد ما مشيوا يجى نص ساعة
كمال: هو انتى رايحة فين
دودو:ههههههههههههههههههه حرام والله اللى بتعمله فيا انا نسيت اقولك هروح فين
كمال:شوفتى مش قدرتى تقاومى ازاى نسيتك كل حاجة دا مش اى حد بيعمل كدا
دودو:طيب يلا ودينى على مصر الجديدة
كمال:اشمعنى
دودو:مش ليك دعوة
كمال:طيب سورى
دودو:عادى عند واحدة صحبتى ومش تزعل
كمال:طيب مش هزعل رايحة ليه بقى
دودو:لا هو ممكن تزعل بردوا عشان تبطل تسأل
كمال:تؤتؤ هفضل غلس كدا

وفعلا وصلها كمال لمكانها وهى شكرته قالتله خلاص ميرسى اوى على التوصيلة انا هطلع بقى لميار
كمال: طيب ما استنى اروحك
دودو:لأ انا هروح معاها مشوار وهتوصلنى هى بعربيتهم
كمال:طيب خلاص اوك خلى بالك من نفسك
دودو:وانت كمان
كمال:ومش تمشى فى الشمس كتير
دودو:ايه اسمريت
كمال:لأ هى اللى ابيضت من نورك
دودو:طيب يا بكاش

وطلعت دودو لقت مفاجأة
هنعرفها المرة الجاية

الحلقة الثامنة

ودودو وهى طالعة لقت ميار وباباها نازلين
ميار:ايه حبيبتى يا دودو انا اسفة موت مسافرة مع بابا دلوقت
دودو:طيب متصلتيش تقولى ليه؟
ميار :معلش مكنتش اعرف والحكاية جت بسرعة واتلخمت
دودو:اه
ميار:بجد مش تزعلى بس معلش هلحق بابا بقى عشان مش يقف لوحده
دودو:طيب اوك مع السلامة
ميار:مش تزلعى واستنينى هكلمك باى يا قمر
دودو:باى

ونزلت دودو مدايقة جدا عشان نزلت بدرى وراحت وهترجع تانى لوحدها

خارجة بقى من العمارة مش مركزة
كمال:بس بس
دودو مش واخدة بالها
كمال:بـــــــــــس بــس
دودو:بصت كدا وهزت دماغها ومشيت بالراحة
كمال:راح وراها قالها مش بكلمك
دودو:بتكلمنى على اساس انى قطة ولا ايه
كمال:هههههههههه شكلك وحش انتى لحقتى تنزلى الناس مش طايقينك للدرجة دى
دودو معرفتش ترد
كمال:ايه دا انا اسف بس مش متوقع انك تدايقى انا برخم بس دا هما اللى خسرانين القمر يبقى معاهم
دودو:طيب ميرسى
كمال:لا مش ميرسى دا انا اللى ميرسى ليهم انى هاخد القمر وانفذ وعدى انى اوعضها بالغدا عن امبارح
دودو:هههههههههههه انت ما بتصدق وتنتهز الفرص
كمال:اه عرفتى منين؟هههههه
دودو:ما هو باين اهوه بس انا مش هيحصل دا
كمال:لا بجد ممكن اتكلم معاكى شوية بعيد عن الغلاسة اللى بنعملها دى
دودو:اممممممم افكر
كمال:طيب فكرى واحنا بنتمشى ونتكلم
دودو:انت جبااااااااااار
كمال:بيقولك الاوزون اتخرم
دودو:هههههههههههه اوزون ايه؟
كمال:الاوزون اصل كان فى الشارع بتعنا ناس مربين اوزون ولما كبر كان عايزين يجيبوله اوزوناية بس للاسف الاوزون اتخرم والاوزونة مش رضيت بيه
دودو:ههههههههههههههههههه بس يخرب عقلك
كمال:ايه بس دا مشكلة يعينى يرضيكى كدا
دودو:لا مش يرضينى
كمال:هو حد قالك ان عنيكى قوية اوى
دودو:قوية ازاى ؟
كمال:مش عارفة عشان رموشك طويلة ولا ايه ههههههه
دودو:ايه دا طويلة يعنى ايه؟
كمال:مش حاطة المسكرة دى تقريبا
دودو:اه حاطة المشكرة دى تقريبا
كمال:وفى حد يحط مسخرة فى عنيه مش عيب
دودو:مسخرة ايه امشى من هنا
كمال:لا بس بجد حلوة اوى بس بالمناسبة بقى البودر حاسس انه مش مظبوط على وشك
دودو:بودر ايه مين قالك تتكلم فى ميكب بس
كمال:اه اللى فى وشك دا
دودو:دا سن بلوك عشان وشى بيتعب من الشمس
كمال:الف سلامة عليه بس دا انتى خلاص نقصلك شوية وهتنورى شمس ايه اللى خايفة منها
دودو:انت بتعاكسنى ولا ايه؟
كمال:ههههههههههههه انتى لسه فاهمة دلوقت ولا ايه الله يرحم الاوزون اللى فى الاول
دودو:هههههههههههههههه فظيــــــــــــع
كمال:انتى بتحبى او حبيتى قبل كدا
دودو: سكتت شوية
كمال:لو مش عايزة تتكلمى براحتك عادى مفيش مشاكل
دودو سكتت بردوا
كمال:لا مدام كدا يبقى هتتكلمى بالعين الحمرا بقى
دودو:لأ انا مش حبيت ولا حبيبت حد قبل كدا
كمال:معقول ليه هو الشباب مبقاش يشوف ولا ايه؟
دودو:لا عادى انا اللى مش حبيبت
كمال:اه يعنى المعجبين اللى كتير وانتى اللى مش راضية
دودو:لا هو مش كدا اوى يعنى
كمال:يعنى كان فى ناس حاولوا يرتبطوا؟
دودو:اكيد زى اى بنت عادى يعنى
كمال:وانتى ولا واحد منهم لفت نظرك او بلاش منهم انتى محستيش باعجاب نحية اى حد
دودو:تؤتؤ
كمال:ليه انتى طالبة يكون عامل ازاى سوبر مان ولا ايه؟
دودو:لا عادى طلبات بسيطة اوى
كمال:ةايه هى مواصفات فارس الاحلام ليكى؟
دودو:امممممممممم يكون محترم وعارف ربنا وعارف مستقبله ورومانسى
كمال:رومانسى هو انتى رومانسية ولا ايه؟
دودو:اه رومانسية
كمال:انا بقى من واان صغير صحابى بيقولوا عليا رومانسى وانا مكنتش مقتنع بكدا
دودو:ليه؟
كمال:يعنى حابب اه كويس ان الانسان يكون حساس بس يكون واقعى كمان فى نفس الوقت مش يعيش فى عالم لوحده
دودو:طيب ما دا جميل جدا ان حد يوصله
كمال:اه بس فين اللى يقدر بقى
دودو:وانت محبتش؟
كمال:لأ انا كنت مرتبط وانفصلت
دودو:ليه بس
كمال:يعنى حكاية طويلة كدا
دودو:طيب احكى
كمال:بصى يا ستى هى بنوتة زى القمر وحبتنى وووووو وكمل كمال معاها واندمجوا فى الكلام

فات حوالى ساعتين فى الكلام والغلاسة سبحان الله اختفت وبقت محبة

كمال:تعرفى انا حاسس زى ما يكون بشوك بشكل جديد لأول مرة بس مشكلتلك انك فى كل حال احلى من اللى قبله واللى بعده احلى
دودو:ميرسى ربنا يخليك ووشها احمر شوية
كمال:طيب يلا بقى اعوضلك الغدا اللى قولت عليه
دودو:لا ايه دا انا اتأخرت اوى الوقت جرى بسرعة لازم اروح
كمال:تروحى يخبر ابيض انا نسيت العربية ومشينا
دودو:ههههههههههههههههههه مجنون مجنون
كمال:يعنى هتسبينى اروح لوحدى اجيبها واروح
دودو:وتروح لوحدك ليه خد تاكسى وهيبقى معاك السواق
كماال:انتى هتتحولى تانى ولا ايه
دودو:ههههههه ايه مش عايز حد معاك
كمال:اه طيب اصلى مش معايا فلوس
دودو:عادى اسفلك
كمال:طيب اركبى معايا لحد هناك وادفعى انتى
دودو:اذا كان كدا ماشى
وخدوا التاكسى وكمال حاسب السواق
دودو:يعنى الفلوس طلعت
كمال:لأ دا انا فكيت الكريدت كارد منه ودفعت
دودو:هههههههههههههههههههههههههههه حرام عليك هتموتنى من الضحك

وخد كمال دودو ووصلها لحد البيت
وهى مش مصدقة اللى جرالها فى يومين ولا عارفة حصلها ايه
بس مش بتفكر فى حاجة غير كمال والمواقف اللى حصلت والضحك والشقاوة والغلاسة والجنتلة
وهو نفس الحال
بس هى اتعلقت با مشاكسته ليها على طول
وفجاة غاب كمال يومين ولا حس ولا خبر
حصل ايه ودودو حالها بقى ايه
دا اللى هنعرفه الحلقة الجاية

الحلقة التاسعة:

ولما غاب كمال اليومين دول من غير اى خبر
بقت عايزة تعرف وتتطمن لو حصل اى حاجة
وبتقول لنفسها معقول كان دا كله موقف وعدى ومش فارق معاه
بقت مش مركزة فى تصرفاتها زى مثلا فاتحة موبيلها ونمرته ظاهرة قدامه وبس
قعدت تحغظ نمرته وهى بتكلم صحابها بتسمع بس من غير كلام
اول ما قابلت داليا ورشا سألتهم عن اسلام ومرة واحدة تسال عن كمال
وبعدين حبيت تحسم الموقف ومسكت الموبيل واتصلت بيه
دودو:الو
كمال:اهلا ازيك عاملة ايه
دودو:ايه دا مين معايا
كمال:انا كمال هو صوتى متغير ولا ايه
دودو:ايه دا كمال سورى سورى انا كنت بطلب صحبتى كوكو والظاهر اخترت الاسم غلط
كمال:لا ولا سورى ولا حاجة تقدرى تقفلى بس انا كان وحشنى صوتك
دودو معرفتش تخبى بقى اكتر من كدا
دودو:يا سلام ما هو باين قعدت دا كله ولا بتسال ولا اى حاجة ولا خبر
كمال:طيب ليه متقوليش انك انتى اللى مش فكرتى تتطمنى وان دا اكيد مش طبيعى
دودو:ايه خير هو فى حاجة
كمال:اه انا حالتى النفسية مش حلوة خالص ومشاكل فى البيت ومش كنت عارف ولا حاسس بحاجة
دودو:ليه بس كدا شوفت انا ظلمتك بقى معلش
كمال:تؤتؤ مش مسماحك
دودو:لأ انا قولت بقى بعد ما كان فى منتهى الجنتلة والاهتمام مرة واحدة نفض
كمال:بزمتك انا اقدر انفض للقمر
دودو:لا بس امشى على الاقل لو كان فى اهمية كنت تبلغنى
كمال:اهمية ازاى يعنى
دوو:يعنى تعمل حساب ان معايا علبة كلينكس ليك
كمال:ههههههههههههههههه لا فى كدا عندك حق......تعرفى ان دى اول مرة اضحك من يومين من ساعة ما كلمتك
دودو:طيب كويس انى عرفت اضحكك
كمال:لأ انا مبسوط كمان مش بس ضحكت انى سمعت صوتك بس بردوا وحشة عشان طلعتى مش قاصدة نمرتى
دودو:هو بس عشان ما انت صريح معايا دى حركات بنات يعنى مش لردجة اغلط فى النمر كمان
كمال:ههههههههههههههههههههه اعلا انتى خلاص كدا وقعتى فيا
دودو:ولد عيب
كمال:طيب طيب وهو انا اطول يعنى
دودو:بس امشى
كمال:طيب انا عايز اشوفك بسرعة
دودو:عايز ليه تشوفنى معلش اقصد طيب امتى
كمال:هههههههههههههه مش بقولك وقعتى ماشى يا قمر شوفى اى قرب وقت تقدرى ولو عايز مكان معين
دودو:اه لازم فى الجامعة مش ينفع برا الجامعة دى خالص
كمال:اممممممم ماشى مع انى شوفتك المرة اللى فاتت برا بس اللى يريحك
دودو:اه متفكرنيش هى جت كدا بس مش هتتكرر تانى مش عارفة افرض كان حد شافنا
كمال:ولو انى مش مقتنع انى كدا كدا بشوفك بس اللى يريحك المهم اشوفك يعنى
دودو:اه معلش ريحينى انا متعبة
كمال:عنيا ليكى يبقى بكرا هتلاقينى قدامك ان شاء الله
دودو:بكرا الجمعة انت اللى شكلك وقعت هههههههههههههههه
كمال:اه عرفتى منين دا اكيد
دودو:امشى يا ولد
كمال:طيب خلاص يبقى السبت ان شاء الله
دودو:اوك مفيش مشاكل
كمال:انتى بتقعدى على النت
دودو:اه بقعد عادى
كمال:طيب هبعتلك ايميلى فى مسج بعد ما اقفل واكلمك على الميل بقى
دودو:اوك ماشى طيب يلا بقى عشان الحق اكلم صحبتى كوكو
كمال:ههههههههههههههه ما خلاص وقعتى بلسانك وقولتى بقى
دودو:ماشى ماشى يا غلس
كمال:والله زى العسل
دودو:طيب همشى بقى
كمال:تؤتؤ مش تمشى
دودو:صحيح انا عايزة اقولك انت رقيق فى كلامك اوى معايا كدا ليه
كمال:امممممممم مش عارف بس اكيد كل واحد بيكلم اللى قصاده على اساس شخصيته وانتى رقيقة اوى
دودو:اها ممكن بس انا مش رقيقة اوى كدا
كمال:لأ اكتر من كدا
دودو سكتت مكسوفة
كمال:ايه رحتى فين
دودو:معاك
كمال:طيب يا قمر انا مبسوط اوى اوى بردوا انى سمعت صوتك ها تأمرى بحاجة يا قمر؟
دودو:ربنا يخليك عايزة سلامتك
كمال:الله يسلمك
دودو:باى
كمال:سلام

وفى ثوانى وصلت المسج من كمال لدودو بالايميل
وفعلا ضافت دودو الايميل ودخلوا
كمال لقى اسم الايميل ضايفه فيه اسم دودو
ودى المحادثة بينهم

كمال:انت مين؟
دودو:هكون مين
كمال:انا اللى بسأل انت مين وجيبت الايميل منين
دودو:وبعدين بقى هو الايميل باين عندك باسم مين؟
كمال:واشوف الاسم ليه ما انا بسألك انت مين
دودو:اممممممممم انا دودو لما اشوف اخرتها
كمال:وديتبى ايميلى منين يا دودو
دودو:بقولك ايه انت هتجننى
كمال:ايه بس مش اعرف دبتيه نين هو الايميل انتشر للدرجة دى مفيش حاجة بتستخبى
دودو:اه معلش ضريبة الشهرة بقى
كمال:هههههههههههه اه فعلا
دودو:هو انت عايش كل الحلات دى كلها كدا فى نفس الوقت على طول
كمال:حالات ايه انا بقيت مجنون ولا ايه
دودو:لأ اصل لحظة دمك خفيف اوى ولحظة بتغلس ولحظة رقيق ولحظة رومانسى ولحظة ذكى ولحظة مجننى وحاجات كتير دا كله فى نفس الوقت
كمال:يا خير هو انتى حالتك بقت صعبة للدرجة دى
دودو مش ردت
كمال:ايه سكتى ليه اوعى تكونى اتكسفتى
دودو:لا انا كنت بقولك اللى لاحظته بس
كمال:بس انتى كل اللى قولتيه حاجات حلوة مفيهاش حاجة وحشة هو انا حلو للدرجة دى
دودو:مع انى مكملتش انك جان وحاجات كدا بس انا قولت انك سعات بتبقى غلس واحيانا مستفذ
كمال:هههههههه ما هو دا احلاهم
دودو:يا سلام
كمال:اه اصل الغلاسة معاكى طعم تانى وبعدين مش تنسى الغلاسة هى سبب معرفتنا يبقى حلوة ولا مش حلوة
دودو:اه كدا ممكن ولو انها معرفة محدش عارف هتبقى حلوة ولا ولأ وبعتت صورة واحد بيطلع لسانه
كمال:هتبقى احلى معرفة
دودو:هنشوف
كمال:على فكرة فى حاجة مهمة اوى لازم اقولهاك بعد يومين بس قلقان ومتردد
دودو:حاجة ايهخ واشمعنى بعد يومين
كمال:لأ هتعرفى وقتها
دودو:طيب هى بخصوص ايه؟
كمال:لأ هى مفيهاش اى توضيح
دودو:قول بقى بطل غلاسة مش بحب كدا
كمال:لأ مش هينفع دلوقت
دودو:لأ يلا قول بسرعة بسرعة
كمال:انسى انا لما بقولك لكمة مش برجع فيها فريحى نفسك
دودو:طيب ماشى مسيرى هعرف
كمال:دا اللى اكيد عندك حق فيه هتعرفى
دودو:على فكرة انا خارجة بكرا مع بابا عشان بكرا الجمعة وكدا بنروح نزور قاريبنا
كمال:اها طيب كويس انك استأذنتى عشان كنت هدايق وبعت صورة واحد بيضحك
دودو:ليه على اساس ايه يعنى استأذن دى انا كنت بقولك وبس
كمال:لا لا هى استأذان مش تحاولى
دودو:بس بقى مش تعصبنى انا غلطانة انى قولت يعنى
كمال:لأ بالعكس مش غلطانة انا مبسوط اوى
دودو:ماشى ماشى يا غلس ياللى مش عايز تقول فى ايه
كمال:ههههههههه مش تحاولى
دودو:انا مقموصة
كمال:لأ مقدرش بس لو فضلتى مقموصة هصالحك سعتها لما اقولك
دودو:كدا يعنى هتسيبنى مقموصة يومين؟
كمال:لأ قولت مقردش خالص
دودو:تؤتؤ
كمال:ايه بس القمر زحلان ليه بقولك ايه انا اقوم احسن عشان شكلك هتوقعينى فى الكلام
دودو:طيب ما تسيبنى اوقعك فى الكلاام
كمال:هههههههههههلا مش هتعرفى مش تجاولى
دودو:انا هموت واعرف فى ايه؟
كمال:مش تستعجلى يلا ننام بقى عشان انا مش نمت اليومين دول وادعيلى ربنا يهل امورى
دودو:اه وانا كمان هصحى بدرى عشان ماما بنظبط البيت وربنا معاك ان شاء الله
كمال:بتظبطى البيت انتى بتعرفى شغل بيت وطبخ وكدا
دودو:هههههههههههلا مش تاخد فكرة غلط انا اخرى اروق البيت انما طبخ وكدا مليش فيه
كمال:امممممممم لا لا لا مش ينفع كدا امال هتتجوزى ازاى
دودو:لما يبقى يجى بقى ابقى اتعلم
كمال:ايه اليأس دا دا انتى قمر هيجى على طول مش تقلقى
دودو:براحته بقى
كمال:ماشى تصبحى على خير ونوم هادى واحلام جميلة زيك
دودو:ميرسى وانتى من اهل الخير واحلام حلوة انت كمان
كمال:مع السلامة
دودو:الله يسلمك

وفات الجمعة واتصل كمال يطمن على دودو يطمن عليها ويأكد على معادهم السبت
وهى حاولت بردوا تعرف ايه اللى مخبيه بس معرفتش

اقولكم الحلقة الجاية نعرف فى ايه ايه وهيقولها ايه
انتظروااااااااااا

الحلقة الاخيرة من الاول:

وجه يوم السبت وقام كمال ودودو بدرى عشان لك واحد يلحق معاده مع التانى
وكل واحد منهم من قبل ما يقوم من النوم وابتسامة مرسومة عليه
وقامت دودو جهزت نفسها ولبست
وكمال خارج عنيه بتضحك قابلته مامته قالتله:رايج فين يا كيمو كدا
كمال:رايح الكلية يا ماما
مامته:لا لا شكلك مش رايح كلية
كمال:امال هروح فين يا ماما بس
مامته:شكلك رايج تقابل الجو ولا ايه
كمال:ههههههههههه كدا يا ماما طالعة لأبنك
مامته:لأ انا اللى عارفاك
كمال:ماشى يا جميل بس عادى هو رايح الكلية بجد
مامته:ماشى بس مش تتأخر عشان مش هتغدى الا لما تيجى
كمال:ماشى حبيبتى

وراحوا على معادهم بس من الزحمة كمال مش شايف دودو
كمال اتصل بيها
كمال:الو
دودو:الو
كمال:الو الو
دودو:وبعدين
كمال:اصلها حلوة اوى بجد
دودو:هى ايه؟
كمال:الو بتاعتى ههههههه
دودو:اه فعلا حلوة منك
كمال:كدا لأ انتى عارفة انها عشانك
دودو:لأ انت احلى بردوا
كمال:طيب ماشى استنى بس لما اشوف انتى فين مش لاقيكى
دودو:انا واقفة مش لاقياك بردوا
كمال:طيب ما ترفعى ايدك كدا
دودو:لأ ارفع ايدى ايه دا ارفعها انت
كمال:ليه هو حد قالك عليا واد صغير
دودو:انت هتجننى ماشى ماشى
كمال:هههههه طيب انتى لابسة ايه؟
دودو:ايه لابسة ايه دى لابسة ساعة ههههه
كمال:لأ يعنى لون لبسك ايه؟
دودو:زيتى
كمال:وواقفة بتتكلمى جنب البوابة ؟
دودو:اه
كمال:وواقف قدامك تلت بنات اتنين لابسين احمر
دودو:اه صح انت فين
كمال:مش شايفك هههههههههههههههه
دودو:بقى كدا يعنى امشى؟.
لقت كمال واقف وراها
كمال:تمشى تروحى فين دا ما صدقتك لقيتك

وبداوا يتمشوا
كمال:هو ايه حكايتك؟
دودو:حكية ايه؟
كمال:ايه حكاية كل مرة بتحلوى زيادة دى؟
دودو:يا سلام لا مش بحلو
كمال:لا بجد شوفيلك حل مش هينفع كدا
دودو:يلا امشى
كمال:مش عارف ليه حاسس انى اعرفك من زمان اوى
فدودو سكتت
كمال:سكتى ليه؟
دودو:مش عارفة اصلى فعلا حاسة انى عرفاكز من زمان اوى وزى ما تكون كنت مسافر وجيت
كمال:شوفتى انا عارف ازاى
وبدأ الجو يهدى خالص بينهم
كمال:بقولك ايه ما تيجى نشرب حاجة
دودو:لأ انا مش عايز اشرب
كمال:لأ انا عايز اشرب مش بعرف اقعد كدا من غير عصاير
دودو:طيب كمان شوية خليك شوية هادى لحقت
كمال:هو كدا يعنى طيب ما تكملى رايك بقى فيا؟
دودو:رأى ايه؟
كمال:رأيك فى شخصيتى؟
دودو:يعنى انا عرفتك من وقت قصير لسه مقدرش احكم اوى
كمال:لأ انا عايز اعرف فكرتك العامة وملامح شخصيتى عندك
دودو:اممممممم عاقل بوجه عام مجنون بوجه خاص دمك خفيف وبتغلس بسر الغريب غلاسة حلوة تعرف ربنا وعارف طريقك ومستقبلك و زكى جدا محترم
كمال:كدا بس؟
دودو:ههههههههههههه اه عايز ايه تانى
كمال:انا فيا كل دا ولسه عرفانى امال بعد شوية هتقولى ايه
دودو:الله اعلم يمكن اغير رايى
كمال:لأ متقدريش ممكن يتغير للاحسن مش هسمحلك يتغير غير للاحسن
دودو:يمكن هنشوف وهيبان
كمال:ان شاء الله
دودو:اه صحيح مقولتليش ايه الحاجة اللى كنت عايز تقولها
كمال:لأ انا مش قايلك بعد يومين لسه بكرا اقولك
دودو:لا ليه يعنى ما تقول دلوقت
كمال:لأ عايزها بكرا
دودو:ليه هى حاجة مهمة؟
كمال:اها مهمة جدا جدا
دودو:طيب ما تقول عشان صعب اشوفك بكرا
كمال:ليه؟
دودو:انت مش شايف القلوب الحمرا والدباديب بكرا عيد الحب وهيبقى زحمة وكدا يعنى
كمال:اها طيب مخدتيش بالك من حاجة بين معاد بكرا واللى قولتيه دا
دودو:ايه هيكون ايه يعنى
كانت بتضحك شكلها بدأت تفهم
كمال:طيب هقولك عشان انا من ساعة ما شوفتك دلوقت وانا مش عارف فى حاجة غريبة مجننانى
دودو:قول خير؟
كمال:بصى هقولك بصراحة وعلى طول واحد بيقولك فى حاجة مهمة اوى ومستنى عيد الحب يقولهالك فيها هتكون ايه؟
دودو:ايه؟
كمال:هيسألك عن دورة افريقيا يعنى ولا ايه؟ههههه
دودو:قول بجد
كمال:قول بجد قول بجد هههههههههههههه
دودو:قوووول
كمال:طيب بصى يا دودو انا صحيح عرفتك من وقت قصير بس كأنى زى ما قولنا حاسين انى اعرفك من زمان ومن لحظة ما شوفتك مفيش حاجة شغلانى وشغالة بالى وحياتى غيرك لقيت فيكى كل اللى اتمناه يكون فى شريكة حياتى بدأت حالة جميلة اوى فى حياتى عايزها تكمل وتحلو اكتر واكتر بس مش هتحلو غير بيكى ف انا عايز ارتيط بيكى وعايز اعرف ردك دلوقت حالا هل انتى عندك استعداد تكملى معايا؟
دودو سكتت شوية
كمال:ها؟
دودو:مش شايف انك مستعجل شوية
كمال:لأ مش مستعجل بالعكس انا فى الفترة دى بقى حالى حال مش عايز اتعلق اكتر من كدا من غير ما اتأكد
دودو:طيب
كمال:طيب ايه مقولتيش؟
دودو:اقول ايه؟
كمال:تحبى تكملى معايا ولا ايه؟
دودو:يعنى عايزنى اقول ايه؟
كمال:هتقولى اللى اقول عليه يعنى؟
دودو:اه
كمال:طيب قولى بحبك
دودو:بحبك
كمال:اللــــه حلوة اوىىىىىىىى
دودو اتكسفت خالص
كمال:بس انتى كنتى مستنياها دا انتى وقعتى فيا خالص بقى
دودو بردوا مش بترد
كمال:تعرفى انا اسعد واحد فى الدنيا لن معايا اغلى جوهرة فى الدنيا
دودو:لأ انا اللى ربنا بعتلى احسن واحد فى الدينا
كمال:بجد بجد مش مصدق ان فى حد جميل زيك كدا
دودو:لأ فيه انت
كمال:طيب عشان ارتباطنا يفضل مكمل على خير ومال وحب لازم نتفق على اسايات بينا عشان نحافظ على حبنا
دودو:اوك
كمال:ها قولى ايه اللى شيفاه لازم يبقى اساسى بينا
دودو:لأ قول انت انا سمعاك
كمال:اوك بســــم الله ربنا يباركلنا حبنا وارتباطنا ويباركلى فيكى اول حاجة....

وانتهى اول جزء بارتباط كمال ودودو
هنعرف تفاصيل الارتباط فى الجزء التانى
عايز اسمع تقديركم للجزء الاول وملاحظتكم وتعليقاتكم
وانتظروا الجزء التانى اوعدكم اقوى بكتيرررررر

انا بجد سعيد جدا

علشان انا اول واحد احط رد على القصه الجميله ديه
تسلم ايدك

بجد بجد بجد برافوا عليك ومستنى الجزء التانى

بس ممكن اسئل سوال انت من الشرقيه؟

بجد مش عارف اقولك دى احسن قصة سمعتها وقريتها فى المنتدى
وبصفتى كمشرف منتدى عن الحب والعشق
انا برشح القصة دى كاحسن قصة فى المنتدى كله منذ انشائه مع احترامى لكل الاعضاء ولمواضيعهم
واتمنى مهاب يثبتها من ضمن المواضيع المثبتة
شكرا ليك بجد يا بيكهام ونزل الجزء التانى بسرعة
ومتتاخرش زى تيتو ماعمل فى القصة بتاعته
فضل يشوق الناس لغاية مادخل الامتحانات ومنزلهاش
ويريت نسمع قصص تانية جامدة زى دى
بجد نايس يا مان

ميرسي بجد على الردوود بس يا زيكو أنا مش من الشرقية و...
يا قيصر الحب بجد ميرسي جدا جدااااا والجزء التاني قريب أوي أوييي بس اخلص امتحاان المحاسبة

بجد يامان قصه جامده جدا

جامد جامد جامد يعجز لسانى عن التعبير
على فكرة شكلك من الشرقية ......اوعى تفهم غلط

مرسى ليك على التوبيك ده وفعلا تسلم ايديك على القصة الجميلة اوووووووووووووى ديه وجامدة مووووت وياريت متتاخرش بالجزاء التانى علينا وبجد بجد قصة جميلة جدا وربنا يوفق ويوفق الجميع

ايه يا بنى ده لو كلن مسلسل فى التلفزيون كان زمانه خالص

اشطة ياد يا عمر طلعت اجدع منى

قال علمناهم الشحاتة سبقونا على الابواب
هههههههه

بجد ياد انتا واد جامد بس كل اللى ناقصلك شوية قلب
و تبقى زى ما انا قولتلك

المهم
يا اخ قيصر المشكلة كلها انى كتبت القصة ديه فى حالة معينة
و بعدين انتا لو تابعت مواضيعى هتلاقى موضوع اسمه

ماتت حبيبتى

يعنى القصة انتهت مالهاش لازمة انى اكتب حاجة انا مش هعرف احسها تانى
و لو حسيتها اكيد هتعذبنى اكتر ما هتفرحكم

و عايز اشوف ردك على كلامى هنا
و فى الموضوع التانى