اين حبيبى .. قصه حقيقيه

]دى قصه حقيقيه وانا بطلها ... يارب تعجبكوا
الجزء الاول
من زمااااااان وانا صغير كنت فى كى جى كنت معايا بنوته زى القمر اسمها نورهان كنا مع بعض على طول بنلعب مع بعض بنروح الحضانه سوا بناكل ونشرب مع بعض ومره تعبت باين ولا خبطتنى عربيه جتلى البيت وجابتلى شيبسى وعصير ظبطتنى يعنى حتى لما كنا بنلعب مع بعض كنا بنلعب عريس وعروسه اكيد كلنا عارفين اللعبه دى
كانت تقعد عالمرجيحه وتأنججنى بس ساعتها احنا كنا اطفال مافيش بقى حب ولا بتاع طفوله بريئه
المهم دخلت المدرسه وفضلت لحد اعدادى ماشوفهاش خمس سنين بحالهم
كنت مره بالعب كوره فى الشارع لاقيت بنوته زى القمر لابسه كات وجينز وعامله شعرها معديه وكانت ماشيه بسرعه لمحت وشها بس
اتشديتلها اوى وفضلت يومين افكر فيها لحد ماعرفت انها ساكنا فى الشارع بتاعنا بس بعيد شويه فافضلت بتاع سنه مقضيها نظرات وانتظار فى البلكونه يمكن تعدى فى السنه دى بقى كنت باروح المركز اخد دروس دخلت اعدادى بقى فاكان فى واحده معانا اسمها مها كنت باميزها بصوتها وطولها صوتها كان رفيع وطويله جدا علمت عليها يعنى بس ماتغيرتش من ناحيه البنت اللى علقت فى دماغى لان مها شوفتها بتاع مرتين بس ليها قصه معانا تمام ؟
كنت باستنى البنت دى لما تنزل من بيتها وانا رايح المدرسه بس عشان اشوفها وكنت احيانا لما انزل من البيت الاقيها واقفه لوحدها
مستنيه باص المدرسه ولا ايه مش عارف وبغبائى ماحاولتش اكلمها
كنت بابصلها شويه واول ماجى عندها لسانى يتلجم اقوم سايبها وماشى رايح المدرسه
فى تانيه اعدادى بقى كنت حكيت لواحد صاحبى عنها المهم قالى اسمها ايييييه
:
:
:
نورهان

طبعا سألت نفسى ميت سؤال
معقول هى دى نورهان اللى كانت معايا قى الحضانه ؟
دى كمان ساكنه جنبينا هنا ووااااثق ميه فى الميه لانى فاكر وش البنت اللى كانت معايا فى الحضانه
ودى فيها شبه كبير منها
دماغى قعدت تودينى وتجيبنى لحد ماقررت انى خلاص لازم اخد قرار واكلمها
نورهان بقى كانت مصاحبه واحده جارتنا اسمها نها فانا كنت دايما لما الاقيها ماشيه فى الشارع لازم امشى فى طريقها عشان لو جاتلى فرصه اكلمها اكلمها وفى يوم كنت ماشى فى الشارع وراها ماتكلمتش ولا عملت حاجه بس دى لاحظت انى بامشى وراها
قامت راحت عند بيتهم وقالت لجارها الولد ده ماشى ورايا وعايز يعاكسنى طبعا ده عمل فيها شجيع السيما وجه قاللى انت مالك بها
قولتله مالى بمين
قاللى بدى ماشى وراها ليه المهم مسكنا فى بعض وانا طحنته بس مش ده موضوعنا وقومت رايحلها وقولتلها انا مش باعاكسك
وحاجه زى كده انت ليكى لسان تقدرى تتكلمى بيه وقومت سايبها وماشى
بعدها بيومين خالتى كانت عندنا ومعاها "بنت خالتى" طبعا اللى انا استلمتها وقعدت احكيلها على كل حاجه ده انا حتى خليتها تنزل معايا عشان اوريها نورهان وشافتها بس ماعجبهاش الاستايل بتاعها وقالتلى دى وحشه واتن زوقك وحش جدا نورهان اصلها وفر جدا
كات بقى وقصير وكده وانا بعد كده شوفت كذا حاجه خلتنى انسى انى اكلم نورهان لانها نزلت جدا من نظرى بسبب المواقف دى
وصرفت نظر عنها

وبكده انتهت نورهان من حياتى خالص]

مرسى ليك على القصة ديه وربنا يوفقك ان شاء الله بانسانة تكون احسن من نورهان ديه

لسه فى تلت اجزاء كمان يا ايه
وميرسى لردك