موسعه نكت شامله (بخلاء.حيوانات.منوعات)

1

واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك

2

واحد بخيل اوي لما اتجوز سافر قضي شهر العسل لوحده

3

مرة واحد بخيل شقتة ولعت ادى للمطافى رنة

4

مرة واحد بخيل حلم انه اشترى فاكهة ولحمة لبيته ولما صحى حكى لمراتة قالتله ايه البعزقة دى

5

واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

6

مره واحد شحات ماشى على واحد عجلاتى بقول له اعطنى مما اعطاك الله قاله خد لك لفه

7

واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النور و أكلها

8

مرة اتنين بخلاء خلفوا عيل حطوة فى البنك

9

مرة في 3 بخلاء راحو لي تبرع لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بيه

[center]قسم الحيوانات

1

مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم

2

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

3

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس

4

مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته

5

النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه

6

آخر أعراض انفلوانزا الطيور: - الخوف من النبلة - هز الرقبة بطريقة غير عادية - الشعور بالرغبة فى الطيران - ظهور الريش تحت الإبط - الشعور بالخجل من الديوك

7

مره الأسد قال نكتة كل الحيوانات ضحكت إلا الحمار جيه تاني يوم لقوه بيضحك سألوه بتضحك ليه قال لهم أصلي فهمت النكتة بتاعة امبارح

8

نملة بتحب نملة بتقول لها تقبلى تتجوزينى وافقت بس بشرط يكتب البلاعة باسمها

9

كلب جاله ذبحة صدرية ليييييه؟؟؟ بيهوهوعلى واحد أطرش

10

مرة نملة بتجرى ورا عربية الاسعاف؟؟؟عشان تتبرع بدمها

11

مرة كان فى نملة بتستحمى تاهت فى الليفة

12

فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى

13

مرة كلب فقد الذاكرة ماشى فى الشارع بيقول صوصو...لا نونو.....لا

14

مره صرصار طلع من الخلاط قال يخرب بيت إللى يدخل الملاهى تانى

15

فار وخطيبته ماشيين,شاف الفيل فحب يعمل منظر اودمها,فقعد ينده علي الفيل ويقولو "خد يا فيل انت أيوة انت يا عجل" واقعد يهزء فيه تاني يوم راح للفيل وقالو "معلش سامحني انا كنت بعمل منظر قدام خطيبتي وهطلع أبوس دماغك" وهو فوق دماغه لقي خطبيبته معدية قالوا يعني أكسرلك دماغك دلوقتي

[center]قسم المنوعات

مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو

انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة .





مرة واحد غبي حب يطور الطيارة الهليكوبتر فك المروحة وركب بدالها تكييف

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم



مرة ظابط طلع على المعاش فتح محل حلويات سماه التورتة في خدمة الشعب



مرة واحد ندل الهلال الاحمر خصم من مرتبه 20 جنية تبرع لفلسطين قام اتبرع بباقي مرتبه للياهود


واحد بيقول لخطيبته لما ازمرلك انزليلي قالتله:انت جبت عربيه جديده ... قالها:لا جبت زماره ...


مرة اتنين مساطيل مذيعة وقفتهو في الشارع سالت الاول ، انت بتحب مصر ؟ قال : اكيد مصر دي امي ..سالت التاني ، انت بتحب مصر ؟ قال : اكيد مش ام صحبي


واحد راح المترو قطع ثلاث تزاكر قابلة واحد قالة انت قاطع ثلاث تزاكر لية قالة عشان لو ضاعت الاولى يبقى ماعاية التانية قالو لو ضاعت التانية قالة معايا التالتة قالة لو ضاعت التالتة قالو ما تخفش معايا اشتراك


مرة واحد بلطجي حب يتروشن كتب علي الشومة اديداس


مدير شركه سجائر مستورده قابل مدير شركه سجائر محليه فقالو انا مره لقيت فى السجاره بتاعتكم خشبه ....انتم بتستوردوا التبغ بتاعكم منين ...فرد عليه مدير الشركه متعجبا .....يعنى ايه تبغ!!!!!؟؟؟؟؟؟